У Талачыне прайшлі вучэнні на выпадак масавай эвакуацыі людзей

Источник материала:

Раённым аддзелам па надзвычайных сітуацыях праведзены камандна-штабныя вучэнні сумесна з эвакуацыйнымі камісіямі прадпрыемстваў і арганізацый раёна.

Мэта мерапрыемства — адпрацаваць алгарытм дзеянняў на выпадак прыёму нашым раёнам людзей, эвакуіраваных з іншых рэгіёнаў па прычыне ўзнікнення там надзвычайных сітуацый тэхнагеннага ці прыроднага характару. Удзел у вучэннях прынялі намеснікі старшыні райвыканкама Гаўрычэнка М. Г. і Галубкова І. С., начальнікі яго структурных падраздзяленняў, кіраўнікі прадпрыемстваў і арганізацый.

Разгледжаны пытанні ўзаемадзеяння розных службаў, інфармавання насельніцтва, транспартнага забеспячэння эвакуацыі, падтрымання правапарадку, прадастаўлення людзям жылля, харчавання, медыцынскага абслугоўвання.

Сяргей АБРАМОВІЧ.

Все новости