Дзеці, пацярпелыя ў ДТЗ пад Валожынам, пераведзеныя ў Мінск

Дваіх дзяцей, якія атрымалі сур'ёзныя траўмы у ДТЗ пад Валожынам, перавялі ў Мінск, перадае тэлеканал АНТ. 

Следчы камітэт пачаў крымінальную справу па факце ДТЗ са смяротным вынікам.

Як паведамлялася раней, аўтааварыя ў Валожынскім раёне здарылася ўвечары 28 студзеня. 35-гадовая жанчына ехала на "Опелі" па віленскай трасе ў бок Мінска. Разам з ёй у аўтамабілі былі чацвёра дзяцей. 

Паводле папярэдняй інфармацыі, пры абгоне яна не справілася з кіраваннем,  аўто занесла на сустрэчную паласу, дзе яно сутыкнулася з фурай. На месцы ДТЗ загінулі жанчына і двое яе дзяцей (12-гадовы і 10-гадовая дзяўчынка). 5-гадовая і 3-гадовая дочкі кіроўцы з траўмамі былі дастаўленыя ў рэанімацыйнае аддзяленне лякарні.

Вядома, што стаж кіроўцы — толькі тры гады, а на "Опелі" стаялі ўсесезонныя шыны.