Зварот Нацыянальнага сходу Рэспублiкi Беларусь

Источник материала:

Паважаныя калегi!

Парламентарыi Рэспублiкi Беларусь глыбока занепакоены намерам Урада Лiтоўскай Рэспублiкi размясцiць у непасрэднай блiзкасцi ад гранiцы нашай краiны — у вадазборах рэк Дрысвята, Дзiсна i Заходняя Дзвiна — сховiшча адпрацаванага ядзернага палiва i радыеактыўных адходаў пры вывадзе з эксплуатацыi Iгналiнскай АЭС. Прадугледжваецца складзiраванне радыеактыўных адходаў з перыядам паўраспаду ад 20 да 24 000 гадоў. У той жа час рэсурс модуляў для iх захоўвання складае не больш як 50 гадоў, па сканчэннi якiх радыеактыўнасць пахаваных рэчываў можа быць вышэйшая за радыеактыўнасць чарнобыльскiх выкiдаў на тэрыторыi Беларусi.

Нас хвалююць адсутнасць аб’ектыўнай ацэнкi ўздзеяння такiх сховiшчаў на навакольнае асяроддзе i недастатковая адкрытасць iнфармацыi па гэтых праектах. Рэалiзацыя гэтых праектаў нясе пагрозу насельнiцтву i тэрыторыi не толькi Рэспублiкi Беларусь, але i Лiтвы, Латвii, Расiйскай Федэрацыi.

Праблемы ядзернай бяспекi цяпер хвалююць усё чалавецтва, аднак найбольш востра яны стаяць перад Рэспублiкай Беларусь, якая больш за ўсе краiны пацярпела ў вынiку катастрофы на Чарнобыльскай АЭС. У нас ужо ёсць горкi вопыт — аварыя на атамнай станцыi, што знаходзiцца на тэрыторыi суседняй краiны, нанесла велiзарны ўрон эканомiцы i здароўю насельнiцтва: ён ацэньваецца ў 235 мiльярдаў долараў ЗША ў разлiку на 30-гадовы перыяд пераадолення наступстваў гэтай катастрофы. Гэта складае 32 бюджэты Рэспублiкi Беларусь дааварыйнага 1985 года. У вынiку чарнобыльскай трагедыi ў Беларусi пацярпелi амаль 2,5 мiльёна чалавек, радыенуклiдамi былi забруджаны 23 працэнты тэрыторыi, чацвёртая частка ляснога фонду i пятая частка сельгасугоддзяў.

Мы, дэпутаты Палаты прадстаўнiкоў i члены Савета Рэспублiкi Нацыянальнага сходу Рэспублiкi Беларусь, звяртаемся да вас з заклiкам звярнуць асаблiвую ўвагу на той факт, што мяркуемае размяшчэнне сховiшчаў адпрацаванага ядзернага палiва i радыеактыўных адходаў паблiзу ад нашай гранiцы прывядзе да парушэння палажэнняў Аб’яднанай канвенцыi аб бяспецы абыходжання з адпрацаваным палiвам i аб бяспецы абыходжання з радыеактыўнымi адходамi i Канвенцыi аб ацэнцы ўздзеяння на навакольнае асяроддзе ў трансгранiчным кантэксце, удзельнiкам якiх з’яўляецца i лiтоўскi бок.