«Самае галоўнае — сацыяльная абарона чалавека»

Источник материала:

Генадзь ДАВЫДЗЬКА, член Камiсii па адукацыi, культуры, навуцы i навукова-тэхнiчнаму прагрэсу:

— Я быў дэлегатам другога Усебеларускага народнага сходу, падчас якога давялося пачуць людзей, якiя ў «звычайным жыццi» не маюць магчымасцi падняцца на такую высокую трыбуну. Заўвагi, прапановы гэтых людзей былi ўлiчаны i на працягу наступных пяцi гадоў рэалiзоўвалiся... Таму такi форум лiчу вельмi важным iнстытутам у нашай краiне. Я з’яўляюся дэлегатам трэцяга Усебеларускага сходу i буду з задавальненнем ўдзельнiчаць у яго рабоце.

Што датычыцца праблем, якiя мяне хвалююць, то гэта ў першую чаргу — жыллёвае будаўнiцтва. Яно павiнна быць больш танным для ўсiх катэгорый грамадзян i ў першую чаргу — для моладзi. Таксама мяне турбуе дэмаграфiчная праблема. Яшчэ адно пытанне, якое, на мой погляд, трэба абмяркоўваць, — стварэнне моцнай праграмы падтрымкi малога бiзнэсу i прадпрымальнiцтва ў краiне.

Акрамя таго, трэба абмяркоўваць максiмальна магчымае вяртанне запазычанасцяў дзяржавы перад народам па ўсiх вiдах займаў, укладаў. Гэта цяжкае пытанне, але яго трэба ўзнiмаць на сходзе. Бо ў нашай краiне праводзiцца сацыяльна арыентаваная палiтыка.

Мiхаiл РУСЫ, старшыня Камiсii па аграрных пытаннях:

— На першым Усебеларускiм народным сходзе абмяркоўвалiся наступныя пытаннi: як выжываць, якую эканамiчную мадэль выбраць... I ўсе яны былi вырашаны. На другiм сходзе былi, у прыватнасцi, пастаўлены задачы па павелiчэнню будаўнiцтва жылля, выкананню харчовай праграмы, павышэнню аб’ёмаў экспарту... I харчовая праграма была выканана цалкам. Што датычыцца будаўніцтва жылля, то першапачаткова 3 млн квадратных метраў жылля здавалiся велiзарнай лiчбай. А сёння ўжо ставiцца задача выйсцi на паказчык у 5 млн!..

На трэцiм Усебеларускiм сходзе ставяцца задачы па мадэрнiзацыi нашых прадпрыемстваў, па ўкараненню найноўшых тэхналогiй, па павелiчэнню энергаёмiстасцi. Самае ж галоўнае — сацыяльная абарона чалавека. А сацыяльная абарона грунтуецца менавiта на станоўчых працэсах у эканомiцы. Не будзе эканамiчнага росту, не будзе паступленняў у бюджэт. Адпаведна не будзе за якi кошт павялiчваць, напрыклад, пенсii.

Якiя праблемы, на маю думку, трэба ўзнiмаць на Сходзе? Я хачу бачыць праграму развiцця ўласных падсобных гаспадарак. Яны даюць 40 працэнтаў валавай вытворчасцi ў АПК. I хоць адпаведная праграма развiцця гаспадарак зараз распрацоўваецца, лiчу, гэта тэма прагучыць у выступленнях i кiраўнiка дзяржавы, i дэлегатаў.

Другая тэма — гэта праблема развiцця малых гарадоў. Трэба асобна гаварыць i пра развiццё Палескага рэгiёну. Думаю, павiнна быць асобная праграма яго развiцця.