Якiм быць бюджэту пярвiчнага звяна?

25.08.2009 21:36 — |

Размер текста:: A; A; A

Источник материала:

Барыс ПРАКОПЧЫК

Члены камiсii па бюджэту, фiнансах i падатковай палiтыцы Палаты прадстаўнiкоў Нацыянальнага сходу Рэспублiкi Беларусь пабывалi на Гродзеншчыне. На пленарным пасяджэннi з удзелам мiнiстра фiнансаў Мiкалая Корбута, старшынi Гродзенскага аблвыканкама Уладзiмiра Саўчанкi, старшынi абласнога Савета дэпутатаў Аркадзя Карпуця i прадстаўнiкоў мясцовых саветаў дэпутатаў усiх узроўняў — раённага, гарадскога, сельскага — быў абмеркаваны праект бюджэтнага кодэкса Беларусi.

Паводле слоў старшынi гэтай камiсiі Сяргея Кiсялёва, праект бюджэтнага кодэкса быў накiраваны ва ўсе абласныя саветы дэпутатаў. Увогуле ў рабочую групу па яго падрыхтоўцы паступiла ўжо каля 80 паправак. Яны бываюць супярэчлiвымi — у адной вобласцi ставяцца адны пытаннi, у другой — iншыя. Таму прынялi рашэнне разабрацца ў злабадзённых пытаннях на месцах.

— На сённяшнiм пленарным пасяджэннi былi гарачыя спрэчкi, — адзначае кiраўнiк рабочай групы па падрыхтоўцы бюджэтнага кодэкса Вiктар Марахiн. — Бачым, што людзi на месцах думаюць, як падняць узровень сельскiх, пасялковых саветаў дэпутатаў, як вырашаць праблемы сваiх жыхароў. Як, дапусцiм, утрымлiваць дзiцячы сад цi аднаўляць агароджу, каб грошы не трэба было перакiдваць з аднаго бюджэту ў iншы? Мы паглядзiм, як працуюць саветы дэпутатаў базавага ўзроўню, сельскiя выканаўчыя камiтэты i якiя сродкi неабходны для iх фiнансавання, каб жыхары гэтых тэрыторый былi забяспечаны на дастойным узроўнi.