Усё пра медыцынскую дапамогу

Источник материала:

Прамая лiнiя

(Працяг. Пачатак у нумарах за 12 і 15 красавіка.)

Анатоль Цiмафеевiч Бальфiн, Слуцкi раён:

— Каля шасцi гадоў знаходжуся на дыялiзе ў Салiгорскiм тэрытарыяльным медыцынскiм аб’яднаннi. Праходжу яго тройчы на тыдзень, па пяць гадзiн. Амаль трэцяя частка маёй пенсii выдаткоўваецца на паездкi. Адпаведная кампенсацыя складае 17,5 тысячы рублёў на паўгода. Гэтых грошай мне хiба што на тыдзень хопiць. З 2000 года кампенсацыя не iндэксавалася. Нiхто не можа мне дапамагчы. Што рабiць?

— Па ўсiх медыцынскiх канонах вас павiнны дастаўляць. Я разбяруся з мясцовымi арганiзатарамi медыцынскай дапамогi i думаю, што, у рэшце рэшт, мы пойдзем менавiта па гэтаму шляху.

Вiкенцiй Уладзiмiравiч Протас, Стаўбцоўскi раён:

— У нашай вёсцы Вiшнявец раней была бальнiца. Яе закрылi ў 2004 годзе i зрабiлi ўрачэбную амбулаторыю. Тлумачылi, што ў бальнiцы не было адпаведных умоў (ацяплення, вады). Аднак зараз там будуць рабiць гасцiнiцу. Значыць, «знайшлiся» ўмовы? Раней, калi была бальнiца, пацыентаў прымалi два ўрачы, а зараз — толькi адзiн. Калi ён выязджае па выклiку, то няма каму прымаць людзей. У нашай вёсцы каля 700 жыхароў, гэта цэнтральная сядзiба сельскагаспадарчага вытворчага кааператыва «Вiшнявецкi». У Вiшняўцы ёсць усе неабходныя аб’екты сацыяльнай iнфраструктуры (школа, дзiцячы садок, клуб i г.д.), дык няўжо нельга тут наладзiць належнае медыцынскае абслугоўванне?

— Абавязкова разбяромся з гэтым пытаннем. Разам з мясцовымi ўладамi абмяркуем сiтуацыю i знойдзем выйсце. Жыхары Вiшняўца не павiнны адчуваць недахоп медыцынскага сэрвiсу. Гэтае пытанне адносiцца да разраду аднаго з самых надзённых, таму яно павiнна быць тэрмiнова вырашана.

(Працяг будзе.)