На лёдзе гаспадарыць сталiца

Источник материала:

Спорт-тайм

Майстры вялiкай i малой ракеткi

Максiм Мiрны ўпершыню стаў пераможцам парнага разраду турнiру серыi «Мастэрс», а вось для яго партнёра на корце Йонаса Б’ёркмана — гэта ўжо другi падобны тытул. Дарэчы, у кiтайскiм Шанхаi, дзе праходзiлi гэтыя спаборнiцтвы, восем мацнейшых дуэтаў свету. У фiнале беларуска-шведская пара выйграла ў трэцяй ракеткi планеты — Марка Ноўлза (Багамскiя астравы) i Данiела Нестара (Канада) — у двух сэтах (6:2, 6:4). Зараз на рахунку Мiрнага 32 перамогi ў пары i 1 — у адзiночным разрадзе.

Цiкава, што днямi вызначыўся i яшчэ адзiн беларускi тэнiсiст — Уладзiмiр Самсонаў. Майстар малой ракеткi заняў другое месца на Адкрытым чэмпiянаце Польшчы: у рашаючым матчы наш зямляк уступiў немцу Цiма Болю — 2:4.

Першыя на велатрэку

Васьмiразовая чэмпiёнка планеты Наталля Цылiнская перамагла ў спрынтарскай гонцы на першым этапе Кубка свету ў Сiднэi. На велатрэку беларуска здолела абысцi алiмпiйскую чэмпiёнку з Аўстралii Анну Мiрс. Яшчэ аднаму нашаму суайчыннiку, Васiлю Кiрыенку, не было роўных у скрэтчы.

Грацыёзнае выступленне

На фiнальным Кубку свету па мастацкай гiмнастыцы ў Японii лiдар нашай каманды Iна Жукава стала сярэбраным прызёрам у практыкаваннi з мячом i бронзавым — у мнагабор’i. У спаборнiцтве юнiёрак першае месца заняла Настасся Iванькова. У прызёрах аказалiся i беларускiя «групавiчкi» («срэбра» са стужкамi, «золата» з абручамi i булавамi). У агульнакамандным залiку нашы грацыi занялi другое месца, уступiўшы расiянкам.

«Золата» ў армейцаў

Маскоўскі ЦСКА ў перадапошнім туры чэмпіянату Расіі па футболе гарантаваў сабе залатыя медалi. Армейскiя футбалiсты разграмiлi «Луч-Энергiю» — 4:0. Адрыў ад блiжэйшага сапернiка, маскоўскага «Спартака», складае тры ачкi.