У чэмпiёна Беларусi эйфарыi няма
Iрына ПРЫМАК
Футбол Беларуская каманда нiколi не станавiлася мацнейшай на Кубку чэмпiёнаў Садружнасцi краiн СНД i Балтыi. Шэсць разоў перамагаў маскоўскi «Спартак», чатыры — кiеўскае «Дынама», аднойчы — маскоўскi «Лакаматыў», тбiлiскае «Дынама», цiраспальскi «Шэрыф» i бакiнскi «Нефтчы». Сёлета ў пятнаццатым па лiку традыцыйным турнiры ў Маскве возьме ўдзел дзеючы чэмпiён i ўладальнiк Кубка Беларусi барысаўскi БАТЭ (у расiйскую сталiцу каманда ад’язджае 18 студзеня). У групе «А» з беларусамi згуляюць расiйскi ЦСКА, казахстанскi «Актобе» i таджыкскi «Рэгар-ТадАЗ». Якiя задачы ставiць перад сваёй камандай галоўны трэнер Iгар Крыўшэнка, даведаемся з першых вуснаў:— Мы разглядаем гэты турнiр у першую чаргу як этап падрыхтоўкi да новага сезона, — прызнаўся Iгар Мiкалаевiч. — Таму пэўных задач перад камандай не ставiм. Канешне, хацелася б, каб мы выйшлi з групы. Паспрабуем, а там, як атрымаецца. — У чвэрцьфiнал праходзяць толькi па дзве лепшыя каманды квартэта. Каго лiчыце асноўнымi фаварытамi ў сваёй групе? — Улiчваючы, што ЦСКА будзе прадстаўлена дублем, назаву састаў нашай групы роўным. У ёй няма аўтсайдараў i лiдараў. — Днямi вашы падначаленыя выйгралi ў маладзёжнай зборнай Беларусi — 4:1. Цi значыць гэта, што каманда знаходзiцца ў добрай форме перад удзелам у турнiры ў Маскве? — Прыемна, што мы перамаглi, але эйфарыi няма, пакуль ацанiў бы гатоўнасць каманды да Кубка чэмпiёнаў Садружнасцi толькi на 50 працэнтаў. Тактычная падрыхтоўка i выканальнiцкае майстэрства ёсць, а вось фiзiчныя кандыцыi пакуль вымушаюць жадаць лепшага. Зразумела, я мог бы нацiснуць на iгракоў, заганяць iх, але тады ў маi—чэрвенi каманда апынецца ў фiзiялагiчнай яме. Трэба ўсё рабiць паступова. — Дзякуй за гутарку! Жадаем вам поспехаў на маскоўскiм турнiры. Р. S. У складзе лiтоўскага «Каўнаса» на турнiры згуляюць iгракi сталiчнага МТЗ-РIПА — нападаючы Вячаслаў Глеб i паўабаронца Алег Страхановiч.
Чтобы разместить новость на сайте или в блоге скопируйте код:
На вашем ресурсе это будет выглядеть так
Беларуская каманда нiколi не станавiлася мацнейшай на Кубку чэмпiёнаў Садружнасцi краiн СНД i Балтыi
|
|