А. Лукашэнка ў iнтэрв’ю Рэйтэр пацвердзiў настроенасць на саюзнае будаўнiцтва на раўнапраўных умовах

Источник материала:

У час iнтэрв’ю кiраўнiк дзяржавы зрабiў шэраг важных заяў адносна супрацоўнiцтва Беларусi з Расiяй i з Еўрапейскiм саюзам.

Пытаннi, адрасаваныя Аляксандру Лукашэнку, датычылiся энергетычнага канфлiкту Беларусi i РФ, яго магчымых вынiкаў, а таксама асабiстых узаемаадносiнаў кiраўнiкоў дзвюх дзяржаў. Прэзiдэнт выказаў прагноз далейшага развiцця беларуска-расiйскага ўзаемадзеяння. Пры гэтым беларускi лiдар пацвердзiў настроенасць рэспублiкi на будаўнiцтва саюза з Расiяй выключна на раўнапраўных умовах.

Кiраўнiк дзяржавы выказаў сваё бачанне асаблiвасцяў сацыяльна-эканамiчнай мадэлi Беларусi, «сакрэту» эканамiчнага поспеху краiны, а таксама пункт гледжання па пытаннях захоўвання правоў чалавека, свабоды прэсы, адносiнаў улады i апазiцыi, адносiнаў грамадства да прадстаўнiкоў апазiцыйных структур.

Рэйтэр — адно з буйнейшых мiжнародных агенцтваў навiн, мае больш як 190 бюро па ўсiм свеце. Заснавана ў Лондане ў 1851 годзе.

За апошнiя гады карэспандэнты Рэйтэр падрыхтавалi iнтэрв’ю з прэзiдэнтамi Украiны, Грузii, Азербайджана, прэм’ер-мiнiстрам Украiны, мiнiстрамi замежных спраў Беларусi i Грузii, а таксама з кiраўнiкамi цэнтральных банкаў, палiтыкамi, эканамiстамi, кiраўнiкамi буйнейшых прамысловых кампанiй i фiнансавых груп шэрагу краiн СНД.

З навiнамi Рэйтэр (у тым лiку i праз iншыя СМI) штодзённа знаёмяцца больш як 1 млрд. чалавек.

Прэс-служба Прэзiдэнта Рэспублiкi Беларусь.