Правiльны аварыйны знак

Источник материала:

Аўтаадказчык

Правiльны аварыйны знак

Чуў, што апошнiм часам пры праходжаннi тэхагляду супрацоўнiкi станцый дыягностыкi пачалi звяртаць пiльную ўвагу на знак аварыйнага прыпынку. Некаторыя аўтааматары не маглi прайсцi гэтую працэдуру толькi з-за таго, што памянёны знак у iх не адпавядаў iснуючаму стандарту. А якiм павiнен быць "правiльны" знак аварыйнага прыпынку? 

Ігар Грыгараў, Мiнск. 

Сапраўды, як паведамiлi ў Рэспублiканскiм унiтарным прадпрыемстве "Белтэхагляд", правiльны аварыйны знак складаецца з двух трохвугольнiкаў: чырвонага знешняга — са святлоадбiвальнай паласой i жоўтага ўнутранага, зробленага з флуарэсцэнтнага матэрыялу. (Глядзiце на здымку.) Так што, калi ў вас аварыйны знак складаецца толькi з аднаго трохвугольнiка, то ён ужо непрыдатны, трэба набыць новы, стандартны. На рынку даволi вялiкi выбар гэтых знакаў: у асноўным беларускай, расiйскай i кiтайскай вытворчасцi. Спецыялiсты раяць набываць айчынны тавар, бо ён, як правiла, сертыфiкаваны, а значыць — якасны.

Аўтаiнфарм

Вакол балаў

Неўзабаве Дзяржаўтаiнспекцыя нашай краiны плануе вынесцi на ўсенароднае абмеркаванне пытанне аб увядзеннi бальнай сiстэмы пакарання для кiроўцаў. Ужо распрацавана i адмысловая шкала налiчэння штрафных ачкоў за пэўны вiд парушэння ПДР. 

Паводле слоў намеснiка начальнiка ўпраўлення ДАI МУС Iгара Ванiцкага, караць вадзiцеляў прапануецца ў залежнасцi ад небяспечнасцi парушэння ПДР. Напрыклад, за перавышэнне хуткасцi i ўцёкi з месца здарэння, на думку Дзяржаўтаiнспекцыi, неабходна здымаць па 9 балаў, за парушэнне правiлаў абгону i манеўравання — 7, за праезд на чырвонае святло — 5, за размову па мабiльным тэлефоне i не прышпiлены рэмень бяспекi — па 2 балы. Вадзiцеляў, якiя вычарпаюць лiмiт у 27 балаў, прапануецца пазбаўляць правоў. Праўда, на якi тэрмiн будзе разлiчана гэтая "сума" i праз якi час будзе абвяшчацца "амнiстыя" парушальнiкам, пакуль дакладна не вызначана. Увогуле "лёс" самой бальнай сiстэмы таксама няпэўны. Спачатку мяркуецца правесцi своеасаблiвы "рэферэндум" сярод кiроўцаў, потым, у залежнасцi ад вынiкаў апытання, неабходна будзе ўнесцi адпаведныя змены ў заканадаўства.

Аўтанавiнка

Сiстэма "самапаркоўкi"

Кампанiя Volkswagen днямi прэзентавала новую сiстэму, якая самастойна паркуе аўтамабiль. 

Вадзiцелю дастаткова паставiць рычаг аўтаматычнай каробкi перадач у становiшча "P", з дапамогай навiгацыйнага абсталявання выбраць зручнае месца для стаянкi i нацiснусць на пульце кiравання кнопку "Пуск". Далей машына прыпаркуецца сама. Новай сiстэмай паркоўкi плануецца аснашчаць мадэлi "Passat", "Touran", "Tiguan".

Аўтакур’ёз

"Пракол" з пратаколам

Жыхар Уфы быў непрыемна здзiўлены, калi прыйшоў здаваць iспыты на правы ў мясцовае падраздзяленне Дзяржаўнай iнспекцыi бяспекi дарожнага руху. Прэтэндэнту на вадзiцельскае пасведчанне адмовiлi ў атрыманнi запаветнага дакумента, паведамiўшы, што ён быў пазбаўлены правоў за кiраванне транспартным сродкам у нецвярозым стане. Абураны грамадзянiн, якi раней увогуле не меў вадзiцельскага пасведчання, звярнуўся ў праваахоўныя органы з просьбай ва ўсiм разабрацца. Неўзабаве высветлiлася, што яго "падставiў" тамтэйшы "даiшнiк", сябар дзяцiнства. Каб атрымаць павышэнне па службе, ён склаў фальшывы пратакол на свайго сябра, якi нiбыта кiраваў машынай у стане алкагольнага ап’янення. Замест новай пасады фальсiфiкатар атрымаў 1 год i 3 месяцы турмы.

Аўтажарт

Да АЗС са страшэнным грукатам пад’ехала вучэбная машына. За рулём жанчына:

— Поўны бак i хутчэй! — загадвае вадзiцель.

— Спадарыня, выключыце, калi ласка, рухавiк, — просiць запраўшчык.