Закон Рэспублiкi Беларусь

Источник материала:

Прыняты Палатай прадстаўнiкоў 24 чэрвеня 2008 года

Адобраны Саветам Рэспублiкi 28 чэрвеня 2008 года

Артыкул 1. Сфера дзеяння гэтага ЗаконаГэтым Законам рэгулююцца грамадскiя адносiны, якiя ўзнiкаюць пры ажыццяўленнi дзейнасцi па ўнясеннi персанальных даных фiзiчных асобаў у рэгiстр насельнiцтва, iх актуалiзацыi, выключэннi, захоўваннi, аднаўленнi, прадастаўленнi, выкарыстаннi i ахове.

Для мэтаў гэтага Закона прымяняюцца наступныя асноўныя тэрмiны i iх азначэннi:

рэгiстр насельнiцтва (далей — рэгiстр) — дзяржаўная цэнтралiзаваная аўтаматызаваная iнфармацыйная сiстэма, аснову якой складае база персанальных даных грамадзян Рэспублiкi Беларусь, а таксама iншаземных грамадзян i асобаў без грамадзянства, якiя пастаянна пражываюць у Рэспублiцы Беларусь (далей — фiзiчныя асобы);

распарадчык рэгiстра — дзяржаўны орган, якi выконвае функцыi па вядзеннi i кiраваннi рэгiстрам;

рэгiструючая служба — структурнае падраздзяленне распарадчыка рэгiстра, якое ўпаўнаважана на вядзенне рэгiстра;

персанальныя даныя фiзiчных асобаў (далей — персанальныя даныя) — сукупнасць асноўных i дадатковых персанальных даных, а таксама даных аб рэквiзiтах дакументаў, якiя пацвярджаюць асноўныя i дадатковыя персанальныя даныя канкрэтных фiзiчных асобаў;

запiс у рэгiстры — персанальныя даныя i звязаныя з iмi адзнакi, якiя ўтрымлiваюцца ў рэгiстры;

iдэнтыфiкацыйны нумар — лiтара-лiчбавая паслядоўнасць, якая з’яўляецца асноўнай iдэнтыфiкуючай прыметай фiзiчнай асобы ў працэсе ўнясення яе персанальных даных у рэгiстр, iх актуалiзацыi, выключэння, захоўвання, аднаўлення, прадастаўлення, выкарыстання i аховы.

1. Мэтамi рэгiстра з’яўляюцца:

1.1. ахова правоў i свабод фiзiчных асобаў;

1.2. фармiраванне адзiнай iнфармацыйнай прасторы ў Рэспублiцы Беларусь.

2. Задачамi рэгiстра з’яўляюцца:

2.1. забеспячэнне ўлiку фiзiчных асобаў;

2.2. аператыўнае забеспячэнне дакладнымi i актуальнымi персанальнымi данымi дзяржаўных органаў, iншых арганiзацый (далей — арганiзацыi), натарыусаў i фiзiчных асобаў;

2.3. забеспячэнне iнфармацыйнага ўзаемадзеяння i супрацоўнiцтва арганiзацый, у тым лiку ў ходзе мiждзяржаўнага i мiжнароднага iнфармацыйнага абмену.

Функцыянаванне рэгiстра грунтуецца на прынцыпах:

законнасцi;

захоўвання правоў i свабод чалавека;

адзiнкавасцi рэгiстрацыi;

прымянення адзiнага ўнiкальнага фармату запiсаў пры ўнясеннi персанальных даных у рэгiстр i прадастаўленнi персанальных даных з рэгiстра;

бесперапыннасцi вядзення рэгiстра;

паўнаты, дакладнасцi i актуальнасцi персанальных даных, якiя ўтрымлiваюцца ў рэгiстры;

забеспячэння аховы персанальных даных, якiя ўтрымлiваюцца ў рэгiстры;

кантролю за вядзеннем рэгiстра i выкарыстаннем персанальных даных, якiя ўтрымлiваюцца ў рэгiстры.

Прававую аснову функцыянавання рэгiстра складаюць Канстытуцыя Рэспублiкi Беларусь, гэты Закон i iншыя акты заканадаўства Рэспублiкi Беларусь.

Фiнансаванне i матэрыяльна-тэхнiчнае забеспячэнне мерапрыемстваў, звязаных з рэалiзацыяй палажэнняў гэтага Закона, ажыццяўляюцца за кошт сродкаў рэспублiканскага i мясцовых бюджэтаў, у тым лiку прадугледжаных на ўтрыманне распарадчыка рэгiстра, iншых дзяржаўных органаў i iншых дзяржаўных арганiзацый (далей — дзяржаўныя арганiзацыi), якiя забяспечваюць унясенне ў рэгiстр персанальных даных, а таксама за кошт iншых крынiц, не забароненых заканадаўствам Рэспублiкi Беларусь.

1. Запiс у рэгiстры складаецца з наступных персанальных даных (пры iх наяўнасцi) i звязаных з iмi адзнак:

1.1. асноўныя персанальныя даныя;

1.2. дадатковыя персанальныя даныя;

1.3. даныя аб рэквiзiтах дакументаў, якiя пацвярджаюць асноўныя i дадатковыя персанальныя даныя;

1.4. адзнакi аб унясеннi персанальных даных у рэгiстр, iх актуалiзацыi, выключэннi, перадачы на захоўванне ў электронны архiў, аднаўленнi, прадастаўленнi арганiзацыям, натарыусам i фiзiчным асобам.

2. Кожны запiс у рэгiстры валодае статусам электроннага дакумента ў адпаведнасцi з Законам Рэспублiкi Беларусь ад 10 студзеня 2000 года "Аб электронным дакуменце" (Нацыянальны рэестр прававых актаў Рэспублiкi Беларусь, 2000 г., № 7, 2/132).

1. Да асноўных персанальных даных адносяцца:

1.1. iдэнтыфiкацыйны нумар;

1.2. прозвiшча, уласнае iмя, iмя па бацьку;

1.3. пол;

1.4. чысло, месяц, год (далей — дата) нараджэння;

1.5. месца нараджэння;

1.6. лiчбавы фотапартрэт;

1.7. даныя аб грамадзянстве (падданстве);

1.8. даныя аб рэгiстрацыi па месцы жыхарства i (або) месцы знаходжання;

1.9. даныя аб смерцi або аб’яўленнi фiзiчнай асобы памерлай, прызнаннi без вестак адсутнай, недзеяздольнай, абмежавана дзеяздольнай.

2. Данымi аб грамадзянстве (падданстве) з’яўляюцца:

2.1. грамадзянства (падданства);

2.2. падставы набыцця або спынення грамадзянства Рэспублiкi Беларусь;

2.3. дата набыцця або спынення грамадзянства Рэспублiкi Беларусь.

3. Данымi аб рэгiстрацыi па месцы жыхарства i (або) месцы знаходжання з’яўляюцца:

3.1. месца жыхарства i (або) месца знаходжання;

3.2. дата рэгiстрацыi па месцы жыхарства i (або) месцы знаходжання;

3.3. дата зняцця з рэгiстрацыйнага ўлiку па месцы жыхарства i (або) месцы знаходжання.

4. Данымi аб смерцi або аб’яўленнi фiзiчнай асобы памерлай, прызнаннi без вестак адсутнай, недзеяздольнай, абмежавана дзеяздольнай з’яўляюцца:

4.1. дата, месца i прычына смерцi, месца пахавання;

4.2. дата аб’яўлення фiзiчнай асобы памерлай, прызнання без вестак адсутнай, дата адмены адпаведнага рашэння;

4.3. дата прызнання фiзiчнай асобы недзеяздольнай, абмежавана дзеяздольнай, дата адмены адпаведнага рашэння;

4.4. дата ўстанаўлення апекi, папячыцельства;

4.5. дата спынення апекi, папячыцельства;

4.6. дата адхiлення апекуноў, папячыцеляў ад выканання iх абавязкаў.

1. Iдэнтыфiкацыйны нумар фармiруецца ў цэнтралiзаваным парадку па спецыяльнай методыцы, якая вызначана Мiнiстэрствам унутраных спраў Рэспублiкi Беларусь.

2. Iдэнтыфiкацыйны нумар застаецца нязменным на працягу ўсяго перыяду iснавання запiсу ў рэгiстры, за выключэннем выпадкаў змянення даты нараджэння, полу фiзiчнай асобы, памылкова генерыраванага iдэнтыфiкацыйнага нумару. Iдэнтыфiкацыйны нумар указваецца ў дакументах, якiя сведчаць фiзiчную асобу.

1. Да дадатковых персанальных даных адносяцца даныя:

1.1. аб бацьках, апекунах, папячыцелях, сямейным становiшчы, мужу (жонцы), дзiцяцi (дзецях) фiзiчнай асобы;

1.2. аб групе крывi;

1.3. аб прыжыццёвай нязгодзе на забор органаў i (або) тканак для трансплантацыi пры наступленнi смерцi;

1.4. аб вышэйшай адукацыi, вучонай ступенi, вучоным званнi;

1.5. аб родзе заняткаў;

1.6. аб пенсii, штомесячным грашовым забеспячэннi па заканадаўстве аб дзяржаўнай службе (далей — штомесячнае грашовае забеспячэнне), штомесячнай страхавой выплаце па абавязковым страхаваннi ад няшчасных выпадкаў на вытворчасцi i прафесiйных захворванняў;

1.7. аб падатковых абавязацельствах;

1.8. аб выкананнi воiнскага абавязку.

2. Данымi аб бацьках, апекунах, папячыцелях, сямейным становiшчы, мужу (жонцы), дзiцяцi (дзецях) фiзiчнай асобы з’яўляюцца:

2.1. прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар бацькi;

2.2. прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар мацi;

2.3. прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар апекуна, папячыцеля;

2.4. дата i месца рэгiстрацыi заключэння шлюбу, скасавання шлюбу, прызнання шлюбу несапраўдным;

2.5. прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар мужа (жонкi);

2.6. прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар дзiцяцi (дзяцей);

2.7. дата пазбаўлення бацькоўскiх правоў, аднаўлення ў бацькоўскiх правах.

3. Данымi аб вышэйшай адукацыi i вучонай ступенi, вучоным званнi з’яўляюцца:

3.1. назва вышэйшай навучальнай установы;

3.2. дата залiчэння ў вышэйшую навучальную ўстанову;

3.3. дата заканчэння вышэйшай навучальнай установы;

3.4. атрыманая спецыяльнасць;

3.5. вучоная ступень, вучонае званне;

3.6. дата прысуджэння вучонай ступенi, прысваення вучонага звання.

4. Данымi аб родзе заняткаў з’яўляюцца:

4.1. статус працуючага, беспрацоўнага, непрацуючага;

4.2. месца працы;

4.3. дата працаўладкавання, пастаноўкi на ўлiк у якасцi беспрацоўнага;

4.4. дата звальнення, зняцця з улiку ў якасцi беспрацоўнага;

4.5. звесткi аб тым, цi з’яўляецца фiзiчная асоба заснавальнiкам (удзельнiкам, уласнiкам маёмасцi) юрыдычнай асобы (за выключэннем адкрытых акцыянерных таварыстваў, таварыстваў уласнiкаў, спажывецкiх кааператываў, садаводчых таварыстваў, гандлёва-прамысловых палат), iндывiдуальным прадпрымальнiкам.

5. Данымi аб пенсii, штомесячным грашовым забеспячэннi, штомесячнай страхавой выплаце па абавязковым страхаваннi ад няшчасных выпадкаў на вытворчасцi i прафесiйных захворванняў з’яўляюцца:

5.1. вiд пенсii;

5.2. дата прызначэння, спынення выплаты пенсii, штомесячнага грашовага забеспячэння, штомесячнай страхавой выплаты па абавязковым страхаваннi ад няшчасных выпадкаў на вытворчасцi i прафесiйных захворванняў.

6. Данымi аб падатковых абавязацельствах з’яўляюцца:

6.1. дата пастаноўкi на ўлiк у па-датковым органе;

6.2. улiковы нумар плацельшчыка;

6.3. наяўнасць запазычанасцi па падатковых абавязацельствах.

7. Данымi аб выкананнi воiнскага абавязку з’яўляюцца:

7.1. дата прыёму на воiнскi ўлiк;

7.2. дата зняцця (выключэння) з воiнскага ўлiку.

Разам з асноўнымi персанальнымi данымi i дадатковымi персанальнымi данымi ў запiсе ў рэгiстры змяшчаюцца даныя аб рэквiзiтах дакументаў, якiя пацвярджаюць указаныя персанальныя даныя:

назва дакумента;

серыя;

нумар;

дата выдачы (прыняцця);

тэрмiн дзеяння;

назва арганiзацыi, якая выдала (прыняла) дакумент.

1. Фармiраванне рэгiстра i наступная актуалiзацыя персанальных даных, якiя ўтрымлiваюцца ў iм, ажыццяўляюцца дзяржаўнымi арганiзацыямi ў парадку, устаноўленым гэтым артыкулам i артыкуламi 13 i 14 гэтага Закона.

2. У рэгiстр уносяцца персанальныя даныя:

2.1. Мiнiстэрствам унутраных спраў Рэспублiкi Беларусь:

iдэнтыфiкацыйны нумар;

прозвiшча, уласнае iмя, iмя па бацьку;

пол;

дата нараджэння;

месца нараджэння;

лiчбавы фотапартрэт;

аб грамадзянстве (падданстве);

аб рэгiстрацыi па месцы жыхарства i (або) месцы знаходжання;

аб пенсiях фiзiчных асобаў, пенсiйнае забеспячэнне якiх ажыццяўляецца гэтым мiнiстэрствам у адпаведнасцi з заканадаўствам Рэспублiкi Беларусь;

2.2. Фондам сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь:

месца працы;

дата працаўладкавання;

дата звальнення;

2.3. Мiнiстэрствам юстыцыi Рэспублiкi Беларусь — аб тым, цi з’яўляецца фiзiчная асоба заснавальнiкам (удзельнiкам, уласнiкам маёмасцi) юрыдычнай асобы (за выключэннем адкрытых акцыянерных таварыстваў, таварыстваў уласнiкаў, спажывецкiх кааператываў, садаводчых таварыстваў, гандлёва-прамысловых палат), iндывiдуальным прадпрымальнiкам;

2.4. Вышэйшай атэстацыйнай камiсiяй Рэспублiкi Беларусь:

вучоная ступень, вучонае званне;

дата прысуджэння вучонай ступенi, прысваення вучонага звання;

2.5. Мiнiстэрствам абароны Рэспублiкi Беларусь — аб пенсiях фiзiчных асобаў, пенсiйнае забеспячэнне якiх ажыццяўляецца гэтым мiнiстэрствам у адпаведнасцi з заканадаўствам Рэспублiкi Беларусь;

2.6. ваеннымi камiсарыятамi — аб выкананнi воiнскага абавязку;

2.7. Мiнiстэрствам па падатках i зборах Рэспублiкi Беларусь — аб па-датковых абавязацельствах;

2.8. Мiнiстэрствам адукацыi Рэспублiкi Беларусь:

назва вышэйшай навучальнай установы;

дата залiчэння ў вышэйшую навучальную ўстанову;

дата заканчэння вышэйшай навучальнай установы;

атрыманая спецыяльнасць;

2.9. Мiнiстэрствам аховы здароўя Рэспублiкi Беларусь:

аб групе крывi;

аб прыжыццёвай нязгодзе на забор органаў i (або) тканак для трансплантацыi пры наступленнi смерцi;

2.10. Мiнiстэрствам па надзвычайных сiтуацыях Рэспублiкi Беларусь — аб пенсiях фiзiчных асобаў, пенсiйнае забеспячэнне якiх ажыццяўляецца гэтым мiнiстэрствам у адпаведнасцi з заканадаўствам Рэспублiкi Беларусь;

2.11. Камiтэтам дзяржаўнай бяспекi Рэспублiкi Беларусь — аб пенсiях фiзiчных асобаў, пенсiйнае забеспячэнне якiх ажыццяўляецца гэтым камiтэтам у адпаведнасцi з заканадаўствам Рэспублiкi Беларусь;

2.12. Генеральнай пракуратурай Рэспублiкi Беларусь — аб пенсiях фiзiчных асобаў, пенсiйнае забеспячэнне якiх ажыццяўляецца Генеральнай пракуратурай Рэспублiкi Беларусь у адпаведнасцi з заканадаўствам Рэспублiкi Беларусь;

2.13. Беларускiм рэспублiканскiм унiтарным страхавым прадпрыемствам "Белдзяржстрах" — аб штомесячных страхавых выплатах па абавязковым страхаваннi ад няшчасных выпадкаў на вытворчасцi i прафесiйных захворванняў, забеспячэнне якiх ажыццяўляецца гэтым прадпрыемствам у адпаведнасцi з заканадаўствам Рэспублiкi Беларусь;

2.14. мясцовымi выканаўчымi i распарадчымi органамi:

аб статусе працуючага, беспрацоўнага, непрацуючага;

дата пастаноўкi на ўлiк у якасцi беспрацоўнага;

дата зняцця з улiку ў якасцi беспрацоўнага;

аб пенсiях, не ўказаных у абзацы дзесятым падпункта 2.1, падпунктах 2.5, 2.10—2.12 гэтага пункта, а таксама аб штомесячным грашовым забеспячэннi;

дата ўстанаўлення апекi, папячыцельства;

прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар апекуна, папячыцеля;

дата спынення апекi, папячыцельства;

дата адхiлення апекуноў, папячыцеляў ад выканання iх абавязкаў;

месца пахавання;

2.15. агульнымi судамi:

дата аб’яўлення фiзiчнай асобы памерлай, прызнання без вестак адсутнай, дата адмены адпаведнага рашэння;

дата прызнання фiзiчнай асобы недзеяздольнай, абмежавана дзеяздольнай, дата адмены адпаведнага рашэння;

дата пазбаўлення бацькоўскiх правоў, аднаўлення ў бацькоўскiх правах;

дата i месца рэгiстрацыi скасавання шлюбу, прызнання шлюбу несапраўдным;

2.16. органамi, якiя рэгiструюць акты грамадзянскага стану:

iдэнтыфiкацыйны нумар;

прозвiшча, уласнае iмя, iмя па бацьку;

пол;

дата нараджэння;

месца нараджэння;

прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар бацькi;

прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар мацi;

прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар мужа (жонкi);

прозвiшча, уласнае iмя, iмя па бацьку, грамадзянства (падданства), дата, месца нараджэння i iдэнтыфiкацыйны нумар дзiцяцi (дзяцей);

дата i месца рэгiстрацыi заключэння шлюбу, скасавання шлюбу (да 1 верасня 1999 года);

дата, месца i прычына смерцi.

3. Персанальныя даныя, указаныя ў абзацах другiм—шостым падпункта 2.1 пункта 2 гэтага артыкула, уносяцца ў рэгiстр Мiнiстэрствам унутраных спраў Рэспублiкi Беларусь;

у дачыненнi да грамадзян Рэспублiкi Беларусь — пры выдачы пашпарта грамадзянiна Рэспублiкi Беларусь;

у дачыненнi да iншаземных грамадзян i асобаў без грамадзянства, якiя пастаянна пражываюць у Рэспублiцы Беларусь, i iх няпоўнагадовых дзяцей — пры выдачы пасведчання на права жыхарства ў Рэспублiцы Беларусь;

у дачыненнi да няпоўнагадовых дзяцей, якiя набываюць грамадзянства Рэспублiкi Беларусь у парадку рэгiстрацыi ў адпаведнасцi з Законам Рэспублiкi Беларусь ад 1 жнiўня 2002 года "Аб грамадзянстве Рэспублiкi Беларусь" (Нацыянальны рэестр прававых актаў Рэспублiкi Беларусь, 2002 г., № 88, 2/885) або па падставах, якiя прадугледжаны мiжнароднымi дагаворамi Рэспублiкi Беларусь, — пры набыццi грамадзянства Рэспублiкi Беларусь.

Персанальныя даныя, указаныя ў абзацах другiм—шостым падпункта 2.16 пункта 2 гэтага артыкула, уносяцца ў рэгiстр органамi, якiя рэгiструюць акты грамадзянскага стану:

у дачыненнi да грамадзян Рэспублiкi Беларусь, iншаземных грамадзян i асобаў без грамадзянства, якiя пастаянна пражываюць у Рэспублiцы Беларусь, — пры рэгiстрацыi нараджэння;

у дачыненнi да няпоўнагадовых дзяцей, якiя нарадзiлiся i не атрымалi пашпартоў грамадзян Рэспублiкi Беларусь да ўступлення ў сiлу гэтага Закона.

1. Унясенне персанальных даных у рэгiстр ажыццяўляецца бесперапынна ў рэжыме рэальнага часу праз сiстэму каналаў сувязi ў храналагiчным парадку дзяржаўнымi арганiзацыямi, якiя ўносяць персанальныя даныя ў рэгiстр у адпаведнасцi з артыкулам 12 гэтага Закона.

2. Персанальныя даныя, якiя ўносяцца ў рэгiстр, сведчацца электронным лiчбавым подпiсам упаўнаважанага работнiка дзяржаўнай арганiзацыi, якая iх уносiць. Пры гэтым адказнасць у адпаведнасцi з заканадаўчымi актамi Рэспублiкi Беларусь за паўнату, дакладнасць i актуальнасць персанальных даных, якiя ўносяцца ў рэгiстр, нясе кiраўнiк дзяржаўнай арганiзацыi, якая ўносiць гэтыя даныя.

3. Пры ўнясеннi персанальных даных у рэгiстр кожнага запiсу ў рэгiстры аўтаматычна прысвойваецца парадкавы нумар, а таксама робяцца наступныя адзнакi:

3.1. дата i час унясення персанальных даных;

3.2. назва дзяржаўнай арганiзацыi, якая ўнесла персанальныя даныя ў рэгiстр.

1. Актуалiзацыя персанальных даных — замена персанальных даных, якiя ўтрымлiваюцца ў рэгiстры, актуальнымi персанальнымi данымi.

2. Актуалiзацыя персанальных даных ажыццяўляецца бесперапынна ў рэжыме рэальнага часу праз сiстэму каналаў сувязi дзяржаўнымi арганiзацыямi, якiя ўносяць персанальныя даныя ў рэгiстр у адпаведнасцi з артыкулам 12 гэтага Закона.

3. Актуальныя персанальныя даныя, якiя ўносяцца ў рэгiстр, сведчацца электронным лiчбавым подпiсам упаўнаважанага работнiка дзяржаўнай арганiзацыi, якая iх уносiць.

4. Пры актуалiзацыi персанальных даных у запiсе ў рэгiстры робяцца наступныя адзнакi:

4.1. дата i час актуалiзацыi персанальных даных;

4.2. назва дзяржаўнай арганiзацыi, якая ўнесла актуальныя персанальныя даныя ў рэгiстр.

5. Пры актуалiзацыi персанальных даных новыя персанальныя даныя ўносяцца без знiшчэння папярэднiх.

6. Пры выяўленнi недакладнасцяў у персанальных даных распарадчык рэгiстра накiроўвае запыт у дзяржаўную арганiзацыю, якой былi ўнесены персанальныя даныя ў рэгiстр, для праверкi iх дакладнасцi i ўнясення ў рэгiстр актуальных персанальных даных.

1. Персанальныя даныя з рэгiстра выключаюцца рэгiструючай службай у выпадку парушэння ўстаноўленага гэтым Законам парадку ўнясення персанальных даных у рэгiстр, а таксама ў мэтах забеспячэння нацыянальнай бяспекi, правоў i свабод фiзiчных асобаў.

2. Пры выключэннi персанальных даных з рэгiстра ў запiсе ў рэгiстры робяцца наступныя адзнакi:

2.1. дата i час выключэння персанальных даных;

2.2. падстава для выключэння персанальных даных;

2.3. прозвiшча, уласнае iмя, iмя па бацьку i электронны лiчбавы подпiс упаўнаважанага супрацоўнiка або асобы з лiку грамадзянскага персаналу (далей — упаўнаважаны супрацоўнiк) рэгiструючай службы, якi выключыў персанальныя даныя.

3. Пры выключэннi персанальных даных з рэгiстра яны не знiшчаюцца i могуць быць прачытаны рэгiструючай службай.

1. Персанальныя даныя ў рэгiстры захоўваюцца на беларускай i (або) рускай мовах, а прозвiшчы i ўласныя iмёны таксама i ў лацiнскай транскрыпцыi. Правiлы транслiтарацыi прозвiшча i ўласнага iмя грамадзян Рэспублiкi Беларусь устанаўлiваюцца Мiнiстэрствам унутраных спраў Рэспублiкi Беларусь. Прозвiшчы, уласныя iмёны iншаземных грамадзян i асобаў без грамадзянства, якiя пастаянна пражываюць у Рэспублiцы Беларусь, указваюцца ў лацiнскай транскрыпцыi ў адпаведнасцi з праязнымi дакументамi, якiя выдадзены гэтым асобам замежнымi дзяржавамi.

2. Персанальныя даныя, якiя ўтрымлiваюцца ў рэгiстры, захоўваюцца пастаянна. Распарадчык рэгiстра забяспечвае захоўванне электронных копiй рэгiстра па-за памяшканнямi рэгiструючай службы i абнаўленне персанальных даных, якiя ўтрымлiваюцца ў копiях, не менш як адзiн раз у год.

3. Перадача персанальных даных на захоўванне ў электронны архiў ажыццяўляецца ў выпадку:

3.1. смерцi або аб’яўлення фiзiчнай асобы памерлай;

3.2. выхаду з грамадзянства або страты грамадзянства Рэспублiкi Беларусь грамадзянамi Рэспублiкi Беларусь, якiя пастаянна пражываюць за мяжой;

3.3. выезду iншаземных грамадзян i асобаў без грамадзянства, якiя пастаянна пражывалi ў Рэспублiцы Беларусь, на пастаяннае жыхарства за межы Рэспублiкi Беларусь;

3.4. анулявання дазволу на пастаяннае пражыванне ў Рэспублiцы Беларусь.

4. Пры перадачы персанальных даных на захоўванне ў электронны архiў у запiсе ў рэгiстры робяцца наступныя адзнакi:

4.1. дата i час перадачы персанальных даных на захоўванне ў электронны архiў;

4.2. прозвiшча, уласнае iмя, iмя па бацьку i электронны лiчбавы подпiс упаўнаважанага супрацоўнiка рэгiструючай службы, якi перадаў персанальныя даныя на захоўванне ў электронны архiў.

1. Аднаўленне персанальных даных у рэгiстры ажыццяўляецца рэгiструючай службай у выпадках пашкоджання або знiшчэння запiсаў у рэгiстры.

2. Персанальныя даныя могуць быць адноўлены цалкам або часткова на падставе персанальных даных, якiя ўнесены дзяржаўнымi арганiзацыямi ў адпаведнасцi з артыкулам 12 гэтага Закона.

3. Пры аднаўленнi персанальных даных у запiсе ў рэгiстры робяцца наступныя адзнакi:

3.1. дата i час аднаўлення персанальных даных;

3.2. назва дзяржаўнай арганiзацыi, якая ўнесла персанальныя даныя ў рэгiстр;

3.3. прозвiшча, уласнае iмя, iмя па бацьку i электронны лiчбавы подпiс упаўнаважанага супрацоўнiка рэгiструючай службы, якi аднавiў персанальныя даныя ў рэгiстры.

1. Вядзенне рэгiстра ажыццяўляецца рэгiструючай службай на электронных носьбiтах.

2. Камп’ютарныя праграмы i тэхнiчныя сродкi для вядзення рэгiстра павiнны быць сертыфiкаваны ў парадку, устаноўленым заканадаўствам Рэспублiкi Беларусь.

Кiраванне рэгiстрам ажыццяўляе распарадчык рэгiстра — Мiнiстэрства ўнутраных спраў Рэспублiкi Беларусь.

Распарадчык рэгiстра выконвае наступныя функцыi:

распрацоўвае тэхнiчныя рэгламенты, звязаныя з работай рэгiстра;

устанаўлiвае ўзоры электронных дакументаў для вядзення рэгiстра;

устанаўлiвае парадак i ажыццяўляе абязлiчванне персанальных даных у адпаведнасцi з артыкулам 30 гэтага Закона;

забяспечвае ахову персанальных даных, якiя ўтрымлiваюцца ў рэгiстры;

ажыццяўляе метадычнае кiраўнiцтва i кантроль у межах сваёй кампетэнцыi за вядзеннем сiстэм улiку асобных катэгорый фiзiчных асобаў, што ствараюцца дзяржаўнымi арганiзацыямi, i ўзаемадзеяннем гэтых сiстэм з рэгiстрам;

заключае дагаворы з арганiзацыямi, натарыусамi аб рэгулярным прадастаўленнi iм персанальных даных з рэгiстра ў парадку, устаноўленым артыкулам 24 гэтага Закона;

ажыццяўляе кантроль за вядзеннем рэгiстра i выкарыстаннем персанальных даных, якiя ўтрымлiваюцца ў iм;

ажыццяўляе кантроль у межах сваёй кампетэнцыi за парадкам унясення дзяржаўнымi арганiзацыямi, указанымi ў артыкуле 12 гэтага Закона, персанальных даных у рэгiстр.

Рэгiструючая служба выконвае наступныя функцыi:

стварае ўмовы для бесперапыннага ўнясення дзяржаўнымi арганiзацыямi, указанымi ў артыкуле 12 гэтага Закона, персанальных даных у рэгiстр, iх актуалiзацыi, ажыццяўляе выключэнне, захоўванне, аднаўленне персанальных даных у парадку, устаноўленым гэтым Законам;

прадастаўляе персанальныя даныя, якiя ўтрымлiваюцца ў рэгiстры, арганiзацыям, натарыусам i фiзiчным асобам у парадку, устаноўленым гэтым Законам;

прымае меры па ахове персанальных даных, якiя ўтрымлiваюцца ў рэгiстры.

1. Дзяржаўныя арганiзацыi, указаныя ў артыкуле 12 гэтага Закона, у межах сваёй кампетэнцыi забяспечваюць:

1.1. стварэнне неабходнай iнфраструктуры для ўнясення ў рэгiстр персанальных даных;

1.2. унясенне ў рэгiстр дакладных персанальных даных, iх актуалiзацыю ў парадку, прадугледжаным артыкуламi 12—14 гэтага Закона;

1.3. прыняцце неабходных мераў па захоўваннi i ахове персанальных даных, якiя ўносяцца ў рэгiстр.

2. Дзяржаўныя арганiзацыi ў мэтах забеспячэння iнфармацыйнага ўзаемадзеяння з рэгiстрам пры стварэннi сiстэм улiку асобных катэгорый фiзiчных асобаў павiнны будаваць iх на аснове iдэнтыфiкацыйнага нумара, папярэдне ўзгаднiўшы праекты такiх сiстэм з Мiнiстэрствам сувязi i iнфарматызацыi Рэспублiкi Беларусь i Мiнiстэрствам унутраных спраў Рэспублiкi Беларусь.

1. Персанальныя даныя з рэгiстра прадастаўляюцца арганiзацыям, натарыусам i фiзiчным асобам у парадку i тэрмiны, прадугледжаныя артыкуламi 24—28 гэтага Закона.

2. Невыкананне парадку, прадугледжанага артыкуламi 24 i 26 гэтага Закона, з’яўляецца падставай для адмовы ў прадастаўленнi персанальных даных з рэгiстра.

Адмова ў прадастаўленнi персанальных даных з рэгiстра можа быць абскарджана ў распарадчыка рэгiстра.

Абскарджанне ў судовым парадку адмовы ў прадастаўленнi персанальных даных з рэгiстра ажыццяўляецца пасля абскарджання такой адмовы ў распарадчыка рэгiстра.

3. Замежным дзяржавам, а таксама мiжнародным або замежным арганiзацыям персанальныя даныя, якiя ўтрымлiваюцца ў рэгiстры, прадастаўляюцца ў адпаведнасцi з мiжнароднымi дагаворамi Рэспублiкi Беларусь.

1. Прадастаўленне персанальных даных (у тым лiку абязлiчаных) з рэгiстра арганiзацыям, натарыусам ажыццяўляецца рэгiструючай службай бясплатна, калi выкарыстанне такiх персанальных даных неабходна для выканання задач, што ўваходзяць у кампетэнцыю гэтых арганiзацый, натарыусаў, якая вызначана заканадаўствам Рэспублiкi Беларусь.

У iншых выпадках арганiзацыям, натарыусам прадастаўляюцца абязлiчаныя персанальныя даныя на платнай аснове. За прадастаўленне такiх даных збiраецца дзяржаўная пошлiна ў парадку i памерах, устаноўленых заканадаўчымi актамi Рэспублiкi Беларусь.

2. Прадастаўленне персанальных даных з рэгiстра арганiзацыям, натарыусам ажыццяўляецца па пiсьмовым або электронным запыце аб прадастаўленнi, засведчаным у парадку, што вызначаецца Мiнiстэрствам унутраных спраў Рэспублiкi Беларусь, i (або) дагаворы аб рэгулярным прадастаўленнi персанальных даных з рэгiстра, заключаным у адпаведнасцi з грамадзянскiм заканадаўствам Рэспублiкi Беларусь.

3. У запыце аб прадастаўленнi персанальных даных з рэгiстра ўказваюцца:

3.1. назва арганiзацыi, арганiзацыйная форма ажыццяўлення натарыяльнай дзейнасцi i прозвiшча, уласнае iмя, iмя па бацьку натарыуса, якiя звяртаюцца па прадастаўленне персанальных даных з рэгiстра;

3.2. падставы i мэта атрымання персанальных даных;

3.3. склад i аб’ём персанальных даных, якiя запытваюцца;

3.4. парадак i тэрмiны выкарыстання персанальных даных.

4. У дагаворы аб рэгулярным прадастаўленнi персанальных даных з рэгiстра акрамя звестак, прадугледжаных пунктам 3 гэтага артыкула, таксама ўказваюцца:

4.1. форма рэгулярнага прадастаўлення персанальных даных (на папяровых носьбiтах, у электронным выглядзе);

4.2. парадак i тэрмiны рэгулярнага прадастаўлення персанальных даных.

1. Прадастаўленне персанальных даных з рэгiстра па запыце арганiзацыi ажыццяўляецца не пазней чым праз дзесяць каляндарных дзён з дня падачы такога запыту ў рэгiструючую службу альбо ў тэрмiны, вызначаныя дагаворам аб рэгулярным прадастаўленнi персанальных даных з рэгiстра.

2. Тэрмiн прадастаўлення персанальных даных з рэгiстра па запыце арганiзацыi можа быць падоўжаны да аднаго месяца кiраўнiком (намеснiкам кiраўнiка) рэгiструючай службы ў выпадку, калi запыт аб прадастаўленнi персанальных даных з рэгiстра датычыцца вялiкага аб’ёму персанальных даных, якiя патрабуюць адбору.

3. Арганiзацыi, якая запытвае персанальныя даныя з рэгiстра, паведамляецца ў пiсьмовай форме аб падаўжэннi тэрмiну прадастаўлення персанальных даных з рэгiстра i аб прычынах яго падаўжэння не пазней чым за тры каляндарныя днi да заканчэння тэрмiну iх прадастаўлення па запыце.

4. Прадастаўленне персанальных даных з рэгiстра па запыце натарыуса ажыццяўляецца не пазней чым праз два тыднi з дня атрымання запыту натарыуса аб iх прадастаўленнi альбо ў тэрмiны, вызначаныя дагаворам аб рэгулярным прадастаўленнi персанальных даных з рэгiстра.

1. Персанальныя даныя з рэгiстра прадастаўляюцца фiзiчным асобам рэгiструючай службай у форме даведак (выпiсак).

2. Фiзiчная асоба мае права запытваць i атрымлiваць даведкi (выпiскi) з рэгiстра ў дачыненнi да:

2.1. сваiх персанальных даных i персанальных даных фiзiчных асобаў, законным прадстаўнiком якiх яна з’яўляецца;

2.2. персанальных даных iншых фiзiчных асобаў, законным прадстаўнiком якiх яна не з’яўляецца, — з пiсьмовай згоды фiзiчных асобаў (iх законных прадстаўнiкоў), персанальныя даныя якiх запытваюцца.

3. Фiзiчныя асобы, якiя не валодаюць грамадзянскай дзеяздольнасцю ў поўным аб’ёме, удзельнiчаюць ва ўказаных адносiнах праз законных прадстаўнiкоў, калi iншае не ўстаноўлена заканадаўчымi актамi Рэспублiкi Беларусь.

4. Даведкi (выпiскi) з рэгiстра прадастаўляюцца па пiсьмовай заяве фiзiчнай асобы аб прадастаўленнi даведкi (выпiскi). Пры гэтым фiзiчная асоба, якая жадае атрымаць даведку (выпiску) з рэгiстра, не павiнна абгрунтоўваць свой iнтарэс да персанальных даных, якiя запытвае.

5. Форма пiсьмовай заявы аб прадастаўленнi персанальных даных з рэгiстра вызначаецца распарадчыкам рэгiстра.

6. Пiсьмовая згода фiзiчнай асобы (яе законнага прадстаўнiка), прадугледжаная падпунктам 2.2 пункта 2 гэтага артыкула, можа выражацца шляхам:

6.1. афармлення натарыяльна засведчанай даверанасцi на атрыманне персанальных даных з рэгiстра;

6.2. натарыяльнага засведчання сапраўднасцi подпiсу на заяве фiзiчнай асобы (яе законнага прадстаўнiка) аб згодзе на атрыманне персанальных даных аб ёй з рэгiстра;

6.3. засведчання ўпаўнаважаным супрацоўнiкам рэгiструючай службы заявы фiзiчнай асобы (яе законнага прадстаўнiка) аб згодзе на атрыманне персанальных даных аб ёй з рэгiстра.

7. Даведкi (выпiскi) з рэгiстра, якiя запытваюцца фiзiчнай асобай адзiн раз у межах каляндарнага года, прадастаўляюцца бясплатна. Прадастаўленне такiх даведак (выпiсак) больш як адзiн раз у межах каляндарнага года ажыццяўляецца на платнай аснове. За прадастаўленне такiх даведак (выпiсак) збiраецца дзяржаўная пошлiна ў парадку i памерах, устаноўленых заканадаўчымi актамi Рэспублiкi Беларусь.

Перыядычнасць запытаў фiзiчнай асобай даведак (выпiсак) у дачыненнi да сваiх персанальных даных вызначаецца асобна ад перыядычнасцi запытаў ёю даведак (выпiсак) у дачыненнi да персанальных даных фiзiчных асобаў, законным прадстаўнiком якiх яна з’яўляецца, а таксама iншых фiзiчных асобаў.

1. Прадастаўленне даведкi (выпiскi) з рэгiстра ажыццяўляецца не пазней як праз пяць каляндарных дзён з дня падачы ў рэгiструючую службу заявы фiзiчнай асобы аб прадастаўленнi даведкi (выпiскi) з рэгiстра.

2. Тэрмiн прадастаўлення даведкi (выпiскi) з рэгiстра можа быць падоўжаны да пятнаццацi каляндарных дзён кiраўнiком (намеснiкам кiраўнiка) рэгiструючай службы ў выпадку, калi заява фiзiчнай асобы аб прадастаўленнi даведкi (выпiскi) з рэгiстра датычыцца вялiкага аб’ёму персанальных даных, якiя патрабуюць адбору.

3. Фiзiчнай асобе, якая запытвае даведку (выпiску) з рэгiстра, павiнна быць паведамлена ў пiсьмовай форме аб падаўжэннi тэрмiну прадастаўлення даведкi (выпiскi) з рэгiстра i аб прычынах яго падаўжэння не пазней чым за тры каляндарныя днi да заканчэння тэрмiну прадастаўлення даведкi (выпiскi) з рэгiстра.

1. Усе факты прадастаўлення персанальных даных з рэгiстра фiксуюцца ўпаўнаважанымi супрацоўнiкамi рэгiструючай службы i (або) спецыяльнымi праграмна-тэхнiчнымi сродкамi ў рэгiстры ў аўтаматычным рэжыме.

2. Пры прадастаўленнi персанальных даных з рэгiстра арганiзацыям, натарыусам у запiсе ў рэгiстры робяцца наступныя адзнакi:

2.1. дата i час прадастаўлення персанальных даных;

2.2. назва арганiзацыi, арганiзацыйная форма ажыццяўлення натарыяльнай дзейнасцi i прозвiшча, уласнае iмя, iмя па бацьку натарыуса, якiм прадастаўлены персанальныя даныя;

2.3. падстава для прадастаўлення персанальных даных (запыт аб прадастаўленнi персанальных даных, дагавор аб рэгулярным прадастаўленнi персанальных даных), дата i рэгiстрацыйны iндэкс указаных дакументаў;

2.4. прозвiшча, уласнае iмя, iмя па бацьку i электронны лiчбавы подпiс упаўнаважанага супрацоўнiка рэгiструючай службы, якi прадаставiў персанальныя даныя.

3. Пры прадастаўленнi даведкi (выпiскi) з рэгiстра фiзiчным асобам у гэтай даведцы (выпiсцы), а таксама ў запiсе ў рэгiстры робяцца наступныя адзнакi:

3.1. дата i час выдачы (складання) даведкi (выпiскi) з рэгiстра, яе рэгiстрацыйны iндэкс;

3.2. iдэнтыфiкацыйны нумар фiзiчнай асобы, якая запытвае даведку (выпiску) з рэгiстра;

3.3. iдэнтыфiкацыйны нумар фiзiчнай асобы, у дачыненнi да персанальных даных якой складалася даведка (выпiска);

3.4. прозвiшча, уласнае iмя, iмя па бацьку фiзiчнай асобы, у дачыненнi да персанальных даных якой складалася даведка (выпiска);

3.5. прозвiшча, уласнае iмя, iмя па бацьку i электронны лiчбавы подпiс упаўнаважанага супрацоўнiка рэгiструючай службы, якi склаў даведку (выпiску).

4. Пры адмове ў прадастаўленнi персанальных даных з рэгiстра ў запiсе ў рэгiстры ўказваюцца падставы для такой адмовы.

5. Адзнакi, указаныя ў пунктах 2—4 гэтага артыкула, захоўваюцца пастаянна.

1. Рэгiстр з’яўляецца афiцыйнай крынiцай персанальных даных.

2. Выкарыстанне персанальных даных, якiя ўтрымлiваюцца ў рэгiстры, — дзеяннi, што ажыццяўляюцца арганiзацыямi, натарыусамi, якiм прадастаўлены персанальныя даныя з рэгiстра, па прымяненнi гэтых персанальных даных у сваёй дзейнасцi.

3. Персанальныя даныя, якiя ўтрымлiваюцца ў рэгiстры, прызначаны для выкарыстання iх арганiзацыямi, натарыусамi ў мэтах:

3.1. ажыццяўлення дзейнасцi на аснове заяўнага прынцыпу аднаго акна;

3.2. iнфармацыйнага забеспячэння дзейнасцi арганiзацый, натарыусаў у межах iх кампетэнцыi;

3.3. манiторынгу i планавання сацыяльна-эканамiчнага развiцця дзяржавы;

3.4. рацыянальнага размеркавання даходаў бюджэту памiж адмiнiстрацыйна-тэрытарыяльнымi адзiнкамi i па асноўных сферах эканамiчнага развiцця дзяржавы;

3.5. планавання i рэалiзацыi мерапрыемстваў па сацыяльнай абароне i ахове здароўя фiзiчных асобаў;

3.6. складання спiсаў прызыўнiкоў для ваенных камiсарыятаў (мясцовых выканаўчых i распарадчых органаў у населеных пунктах, дзе няма ваенных камiсарыятаў);

3.7 забеспячэння воiнскага ўлiку ваеннаабавязаных;

3.8. вызначэння колькасцi i складання спiсаў выбаршчыкаў, iншых спiсаў асобных катэгорый фiзiчных асобаў;

3.9. аптымiзацыi размяшчэння арганiзацый гандлю, бытавога абслугоўвання, арганiзацый аховы здароўя i ўстаноў адукацыi;

3.10. забеспячэння рэалiзацыi правоў i свабод фiзiчных асобаў;

3.11. ажыццяўлення натарыяльнай дзейнасцi;

3.12. вядзення дэмаграфiчнай статыстыкi, правядзення перапiсаў i сацыяльна-дэмаграфiчных абследаванняў фiзiчных асобаў;

3.13. ажыццяўлення кантролю за выкананнем плацельшчыкамi падатковага заканадаўства Рэспублiкi Беларусь;

3.14. у iншых мэтах у адпаведнасцi з заканадаўствам Рэспублiкi Беларусь.

Абязлiчванне персанальных даных, якiя ўтрымлiваюцца ў рэгiстры, можа ажыццяўляцца ў навуковых, статыстычных, сацыялагiчных, медыцынскiх i iншых мэтах шляхам выключэння з персанальных даных iдэнтыфiкацыйнага нумара, прозвiшча, уласнага iмя, iмя па бацьку фiзiчнай асобы, яе бацькоў, апекуноў, папячыцеляў, мужа (жонкi), дзiцяцi (дзяцей), лiчбавага фотапартрэта. Акрамя ўказаных даных пры абязлiчваннi з персанальных даных могуць быць выключаныя i iншыя персанальныя даныя ў парадку, устаноўленым распарадчыкам рэгiстра.

1. Ахова персанальных даных, якiя ўтрымлiваюцца ў рэгiстры, — дзейнасць распарадчыка рэгiстра, накiраваная на прадухiленне несанкцыянаванага ўмяшання ў працэс вядзення рэгiстра, у тым лiку спробаў незаконнага доступу да персанальных даных, якiя ўтрымлiваюцца ў рэгiстры, iх блакiравання, капiравання, прадастаўлення, распаўсюджвання, скажэння, знiшчэння, а таксама iншых неправамерных дзеянняў у дачыненнi да гэтых персанальных даных.

2. Персанальныя даныя i звязаныя з iмi адзнакi, якiя ўтрымлiваюцца ў рэгiстры, з’яўляюцца канфiдэнцыйнымi.

Патрабаванне канфiдэнцыйнасцi не распаўсюджваецца на абязлiчаныя персанальныя даныя.

3. Парадак аховы персанальных даных, якiя ўтрымлiваюцца ў рэгiстры, вызначаецца распарадчыкам рэгiстра ў адпаведнасцi з гэтым Законам, iншымi актамi заканадаўства Рэспублiкi Беларусь, у тым лiку аб дзяржаўных сакрэтах.

1. Упаўнаважаныя супрацоўнiкi рэгiструючай службы маюць права выключаць, захоўваць, аднаўляць i прадастаўляць персанальныя даныя, якiя ўтрымлiваюцца ў рэгiстры, толькi ў парадку, прадугледжаным гэтым Законам.

2. Упаўнаважаныя супрацоўнiкi рэгiструючай службы нясуць адказнасць у адпаведнасцi з заканадаўчымi актамi Рэспублiкi Беларусь за незаконнае прадастаўленне або распаўсюджванне персанальных даных, якiя сталi iм вядомымi ў сувязi з выкананнем iмi службовых (працоўных) абавязкаў, у тым лiку пасля спынення выканання такiх абавязкаў.

Кантроль за вядзеннем рэгiстра i выкарыстаннем персанальных даных, якiя ўтрымлiваюцца ў рэгiстры, ажыццяўляецца распарадчыкам рэгiстра.

Нагляд за дакладным i аднолькавым выкананнем заканадаўства Рэспублiкi Беларусь у сферы функцыянавання рэгiстра ажыццяўляюць Генеральны пракурор Рэспублiкi Беларусь i падпарадкаваныя яму пракуроры.

Парушэнне патрабаванняў гэтага Закона цягне адказнасць у адпаведнасцi з заканадаўчымi актамi Рэспублiкi Беларусь.

1. Савету Мiнiстраў Рэспублiкi Беларусь на працягу шасцi месяцаў:

падрыхтаваць i ўнесцi ва ўстаноўленым парадку на разгляд Прэзiдэнта Рэспублiкi Беларусь план унясення ў рэгiстр дзяржаўнымi арганiзацыямi асноўных персанальных даных, указаных у падпункце 1.9 пункта 1 i пункце 4 артыкула 8 гэтага Закона, а таксама дадатковых персанальных даных, указаных у артыкуле 10 гэтага Закона;

падрыхтаваць i ўнесцi ва ўстаноўленым парадку на разгляд Прэзiдэнта Рэспублiкi Беларусь праект палажэння аб рэгiструючай службе, а таксама прапановы па яе штатнай колькасцi;

сумесна з Нацыянальным цэнтрам заканадаўства i прававых даследаванняў Рэспублiкi Беларусь падрыхтаваць i ўнесцi ва ўстаноўленым парадку прапановы па прывядзеннi заканадаўчых актаў Рэспублiкi Беларусь у адпаведнасць з гэтым Законам;

прывесцi рашэннi Ўрада Рэспублiкi Беларусь у адпаведнасць з гэтым Законам;

забяспечыць прывядзенне рэспублiканскiмi органамi дзяржаўнага кiравання, якiя падпарадкаваны Ўраду Рэспублiкi Беларусь, iх нарматыўных прававых актаў у адпаведнасць з гэтым Законам;

прыняць iншыя меры па рэалiзацыi палажэнняў гэтага Закона.

2. Савету Мiнiстраў Рэспублiкi Беларусь на працягу трох гадоў забяспечыць стварэнне рэгiстра i ўнясенне ў рэгiстр асноўных персанальных даных, указаных у падпунктах 1.1—1.8 пункта 1, пунктах 2 i 3 артыкула 8 гэтага Закона, i прадугледзець у рэспублiканскiм бюджэце выдзяленне сродкаў на гэтыя мэты.

Гэты Закон уступае ў сiлу праз тры гады пасля яго афiцыйнага апублiкавання, за выключэннем гэтага артыкула i артыкула 36, якiя ўступаюць у сiлу з дня афiцыйнага апублiкавання гэтага Закона.