"Нашы камбайны таксама нядрэнныя"

Источник материала:

85 працэнтаў збожжа ўбралі ў Лiдскiм раёне па дадзеных на чацвер увечары. Ураджайнасць з аднаго гектара павялiчылася на 11,1 працэнтаў i склала 40 цэнтнераў. Намеснiк старшынi Лiдскага райвыканкама Антон Глаўнiцкi тлумачыць гэта тым, што ў сельскую гаспадарку было ўкладзена 80 мiльярдаў рублёў, у тым лiку i на новыя камбайны, i на ўгнаеннi, i на сродкi аховы...

— Да таго ж, — кажа Андрэй Тадэвушавiч, — было выдатнае надвор’е для росту збожжавых, вось калi б яно яшчэ пастаяла, то мы ў панядзелак уборку ўжо скончылi б. З тэхнiкай праблем няма, але паколькi яна працуе па 14—18 гадзiн, то здараюцца дробныя паломкi. Якая тэхнiка лепшая — нашая цi iмпартная? Скажам так: iмпартная тэхнiка больш магутная, але i нашы камбайны таксама нядрэнныя. Вось па абслугоўваннi выйграе лiдскi камбайн, бо не трэба рабiць заказ на запасныя часткi ў Лiтве цi Германii, а нашае прадпрыемства "Лiдааграпраммаш" працуе практычна кругласутачна ў час уборкi: аказвае i дыягнастычныя паслугi, i дапамогу ў рамонце, па запчастках, таму больш выгадна набываць нашы камбайны.

Дарэчы, асобныя гаспадаркi могуць скончыць уборку i раней. Так, старшыня СВК "Рассвет-Мыта" Іван Блюднiк запэўнiў, што калi не пойдзе дождж, то яны ўправяцца ўжо за суботу.

Павел БЕРАСНЕЎ.