Беларусь гатова ў бліжэйшай будучынi ажыццявiць дзiўны па магутнасцi i iмклiвасцi тэхналагiчны рывок

Источник материала:

Паводле яго слоў, беларускi "Парк высокiх тэхналогiй — гэта толькi першы крок нашай краiны на шляху да таго, што ў свеце называюць эканомiкай ведаў".

Усевалад Янчэўскi падкрэслiў, што ўжо даўно прыцiхлi тыя, хто спрабаваў гаварыць пра Беларусь як пра астравок застою, якi застаўся ва ўчарашнiм днi. "Сёння такiх размоў i разваг больш няма", — падкрэслiў памочнiк Прэзiдэнта. Паводле яго слоў, тая каласальная падтрымка, якую Прэзiдэнт Беларусi аказаў Парку высокiх тэхналогiй, дакладна гаворыць аб тым, што ў Беларусi стаўка сапраўды зроблена на iнтэлект, а самае галоўнае — на iнiцыятыву, умелую i свабодную творчасць людзей. "Я абсалютна ўпэўнены, што сёння наша краiна мае ўсе перадумовы для таго, каб у самай блiжэйшай будучынi ажыццявiць дзiўны па сваёй магутнасцi i iмклiвасцi тэхналагiчны рывок", — адзначыў Усевалад Янчэўскi.

Рэзiдэнты Парка высокiх тэхналогiй плануюць абсталяваць некалькi камп’ютарных класаў у беларускiх сярэднiх школах. Першы такi клас адкрыўся ў СШ № 2 у Мар’iнай Горцы (Пухавiцкi раён).

Як адзначыў на ўрачыстым адкрыццi класа дырэктар адмiнiстрацыi Парка высокiх тэхналогiй Валерый Цапкала, ІТ-галiна ў Беларусi развiваецца беспрэцэдэнтнымi тэмпамi не толькi для краiн СНД, але i для еўрапейскiх. Так, аб’ём вытворчасцi праграмных прадуктаў кампанii рэзiдэнтаў ПВТ i аб’ём экспарту штогод узрастаюць больш чым у 2 разы, з пачатку сёлетняга года ў парку створана больш за 700 працоўных месцаў.