Далоў камянi... І цыстыт, i прастатыт

Источник материала:

Калi трэба звяртацца да ўролага? Зразумела, гэту падказку можа даць тэрапеўт. Тым не менш, лепей за ўсё i самому ведаць некалькi элементарных рэчаў. Незалежна ад палавой прыналежнасцi кансультацыя ўролага неабходная, калi ўзнiкла праблема з мочаспусканнем, змянiлiся аналiзы мачы, з’явiўся боль у паяснiцы або ўльтрагук выявiў пэўныя змены ў нырках. Для мужчын ва ўзросце да 50 гадоў характэрнае такое захворванне як прастатыт, а тая ж адэнома прастаты — для асоб больш сталага ўзросту. I з першай, i з другой праблемай можна, як кажуць, жыць. Тым не менш, як толькi вы, шаноўныя мужчыны, заўважылi, што вам ёсць на што паскардзiцца доктару, схадзiце да яго i раскажыце аб непрыемных сiмптомах. I не спрабуйце займацца самалячэннем. Аднаразовы прыём нават самага разрэкламаванага лекавага прэпарата не прынясе вам палёгкi. Працэс нармалiзацыi стану пры згаданых хваробах бывае вельмi i вельмi доўгiм, а станоўчы эфект залежыць ад шэрагу момантаў. Жанчыны часцей пакутуюць ад запаленняў, мочакаменнай хваробы i нетрымання мачы. Што да апошняга, то кожная другая жанчына пасля 50 гадоў мае праблемы з расстройствам мочаспускання. Некаторым пацыенткам патрабуецца нават хiрургiчнае ўмяшанне. Не спадзявайцеся, паважаныя жанчыны, на тое, што з цягам часу ўсё само сабой неяк знiкне, — спытайце ў доктара аб сучасных метадах аказання ўралагiчнай дапамогi.

А карысныя падказкi ўсiм, хто дазванiўся на нашу медыцынскую "прамую лiнiю", даў кiраўнiк цэнтра ўралогii г. Мiнска, загадчык кафедры ўралогii Беларускага дзяржаўнага медыцынскага ўнiверсiтэта, доктар медыцынскiх навук, прафесар Аляксандр СТРОЦКI.

А карысныя падказкi ўсiм, хто дазванiўся на нашу медыцынскую "прамую лiнiю", даў кiраўнiк цэнтра ўралогii г. Мiнска, загадчык кафедры ўралогii Беларускага дзяржаўнага медыцынскага ўнiверсiтэта, доктар медыцынскiх навук, прафесар Аляксандр СТРОЦКI.

А карысныя падказкi ўсiм, хто дазванiўся на нашу медыцынскую "прамую лiнiю", даў кiраўнiк цэнтра ўралогii г. Мiнска, загадчык кафедры ўралогii Беларускага дзяржаўнага медыцынскага ўнiверсiтэта, доктар медыцынскiх навук, прафесар Аляксандр СТРОЦКI.

— Дыягназ вам пастаўлены правiльна. Быў камень у лаханцы, якi потым перамясцiўся ў мачаточнiк. Яго падрабнiлi. Фрагменты каменя павiнны выйсцi, таму вы зараз прымаеце адпаведныя прэпараты, якiя здымаюць спазм, запаленне i спрыяюць павелiчэнню колькасцi мачы. Таму водныя нагрузкi, фiзiятэрапеўтычныя працэдуры, лекавыя прэпараты, цеплавыя працэдуры — усё гэта будзе спрыяць таму, каб фрагменты, якiя засталiся, паступова выйшлi. Пра хiрургiю гаворка зараз не iдзе. Але неабходна назiрацца ў доктара, каб не дапусцiць ускладненняў i своечасова правесцi выдаленне фрагментаў камянёў нават хiрургiчным шляхам, калi для гэтага будуць адпаведныя паказаннi.

— Манурал — добры дзейсны антыбiётык. Цi патрэбны ён менавiта вам — iншае пытанне. Цыстыт ён можна вылечыць толькi ў тым выпадку, калi гаворка iдзе пра востры, а не хранiчны працэс. У вашым жа ўзросце наўрад цi можа быць не ўскладнены цыстыт. Хутчэй за ўсё, вы пакутуеце ад праблемы не першы дзень. Значыць, гаворка iдзе пра хранiчны цыстыт. Таму трэба спачатку абследавацца ва ўролага, якi возьме пад увагу вынiкi вашых аналiзаў i частату абвастрэнняў на працягу года. Аналiз мачы пакажа мiкроб, якi выклiкае праблему, дазволiць меркаваць, да якiх лекаў ён адчувальны... Толькi пасля гэтага можна вырашаць, якi антыбiётык вам можна ўжываць i цi патрэбны ён вам увогуле. У некаторых выпадках лячэнне праводзiцца без удзелу антыбiётыкаў. Любыя лекi, у тым лiку вышэйпамянёную групу, прызначаць сабе самастойна, мякка кажучы, не карэктна.

— Безумоўна, трэба зноў рабiць ультрагукавое даследаванне. Неабходна ўдакладнiць, цi ёсць усё ж такi зараз камнi, калi ёсць, то якiх памераў... Тое, што камянi, як вы кажаце, не выйшлi, не азначае, што лячэнне было неэфектыўным. Магчыма, удалося спынiць iх рост... Калi пад народнымi сродкамi разумець травы, то iх прыём можа дапамагчы ў лячэннi мочакаменнай хваробы.

— Яно бывае розным... Калi вы заўважылi праблему?

— Даўно.

— У мяне ёсць сумненнi, што менавiта спецыялiст паставiў такi дыягназ, а не вы самi зрабiлi гэта за яго. Вам трэба звярнуцца да раённага, а калi спатрэбiцца, дык i да абласнога ўролага, i абавязкова абследавацца, таму што ёсць розныя тыпы нетрымання мачы, i лечацца яны па-рознаму. Перш-наперш трэба дакладна высветлiць, што ў вас — нетрыманне цi неўтрыманне мачы. Гэта абсалютна розныя рэчы, i пацыенты часам самi не здольныя гэта адрознiць...

— У вас жоўцекаменная хвароба, а я лячу камянi ў мачавых шляхах. Тым не менш, магу дакладна вам сказаць, што ў такой сiтуацыi нiякiмi народнымi сродкамi не дапамагчы. Неабходна наважыцца, пад’ехаць да хiрурга i вырашыць гэту праблему.

— Я вам выказаў сваё меркаванне. Паразмаўляйце са спецыялiстам, i гэта будзе больш правiльна.