Мiнiстэрства культуры Беларусi пастанавiла прысвоiць найменнi “народны” i “ўзорны” звыш 20 музыкальным калектывам

Некаторыя, наадварот, страцiлi ганаровае званне. Найменне “народны” нi аднаму з калектываў Гомельшчыны ў гэты раз не было прысвоена. На падставе артыкула 250 Кодэкса аб культуры найменне “ўзорны” атрымаў тэатральны калектыў “Купалiнка” дзяржаўнай установы адукацыi “Гiмназiя г. Петрыкава”.

Сярод страцiўшых званне народнага, на жаль, “адзначылiся” духавы аркестр Палаца культуры “Касцюкоўка” Гомеля i фальклорна-этнаграфiчны ансамбль “Крынiца” з Жыткавiцкага раёна. Таксама звання ўзорнага пазбавiўся ансамбль цымбалiстаў “Сунiчка” Гомельскага дзяржаўнага абласнога Палаца творчасцi дзяцей i моладзi. Гэта здарылася ў сувязi з тым, што не былі пададзены хадайнiцтва аб пацвярджэннi наймення i шэраг iншых дакументаў.