У студыі TUT.BY адбыўся... дождж!
12.06.2010
—
Новости Общества
|
Але гэта не лагічны працяг ліўняў, што накрылі розныя рэгіёны Беларусі днямі, а форс-мажорныя абставіны — у студыі інтэрнэт-тэлебачання ў новым офісе партала з-за спякоты спрацавала пажарная сігналізацыя. Знянацку проста ў пакоі пачаўся дождж, бы з вядра! Інтэрв'ю з гульцом зборнай Беларусі па футболе Сяргеем Крыўцом, які знаходзіўся ў гэты час у студыі, давялося тэрмінова перарваць, а гукарэжысёры ў прамым сэнсе слова ў пажарным парадку вынеслі з залітага памяшкання нятаннае абсталяванне: камеры, сафіты, стойкі... Праз некаторы час да выратавальных работ далучыліся і спецыялісты, інжынеры і сантэхнікі, з дапамогай якіх удалося ліквідаваць наступствы "пратэсту" тэхнікі. Цяпер карыстальнікам, якія ўжо прызвычаіліся да прамых эфіраў інтэрнэт-тэлебачання TUT.BY, давядзецца некалькі дзён пацярпець, але галоўнае, з аптымізмам разважае каманда партала, што ўсё скончылася добра — для людзей і тэхнікі. "Будзьце і вы пільныя!" — папярэджваюць "тапельцы" іншых офісных работнікаў. Фота прадстаўлена TUT.BY. Чтобы разместить новость на сайте или в блоге скопируйте код:
На вашем ресурсе это будет выглядеть так
Але гэта не лагічны працяг ліўняў, што накрылі розныя рэгіёны Беларусі днямі, а форс-мажорныя абставіны — у студыі інтэрнэт-тэлебачання ў новым офісе партала з-за...
|
|