Нешчаслівы нумар 33
26.06.2010
—
Новости Общества
|
Адна з вядучых еўрапейскіх страхавых кампаній "Акса" правяла незвычайны эксперымент і вывела заканамернасць, паводле якой нумарацыя кватэр напрамую звязана з частатой ўзнікнення ў ёй розных праблем. Як паведаміла брытанская газета Daіly Maіl, спецыялісты страхавой кампаніі вылічылі "асабліва небяспечныя" для жыцця і "самыя шчаслівыя" камбінацыі лічбаў. Высветлілася, што самымі "нешчаслівымі" з'яўляюцца кватэры пад нумарам 33 — менавіта тут адбываецца найбольшая колькасць пажараў, абрабаванняў і затапленняў. А вось нумар 76 у гэтым плане прызнаны самым бяспечным у параўнанні з астатнімі, у такіх кватэрах форс-мажорныя сітуацыі здараюцца выключна рэдка. — Здаецца, што жыльцам кватэр пад нумарам 31-40 гістарычна не шанцуе, — патлумачыла адна з супрацоўніц страхавой кампаніі Аманда Эдвардс, — а вось кватэры з нумарамі 71-80, наадварот, прыносяць сваім жыльцам удачу. У працэсе даследавання таксама высветлілася, што большая частка апытаных удзельнікаў эксперыменту засцерагаецца лічбы 13 (кожны восьмы чалавек адмовіўся засяляцца ў кватэру з такім нумарам). Затое нумар 7 літаральна прыцягвае да сябе жыльцоў. Апроч нумара 33, у лік кватэр з найбольшай рызыкай абрабавання патрапілі: 84, 34, 88, 94, 62, 53, 55, 82 і 23. Уладальнікам кватэр пад нумарамі: 33, 34, 68, 22, 55, 92, 96, 36, 69 і 83 раяць як мага часцей правяраць работу супрацьпажарнай сістэмы. Акрамя "асабліва небяспечных" камбінацый лічбаў у спецыялістаў атрымалася вылічыць і самы "шчаслівы" нумар — 91. Жыльцам гэтых кватэр, на думку даследчыкаў, увогуле няма пра што клапаціцца. Падрыхтавала Інга МІНДАЛЁВА. Чтобы разместить новость на сайте или в блоге скопируйте код:
На вашем ресурсе это будет выглядеть так
Адна з вядучых еўрапейскіх страхавых кампаній "Акса" правяла незвычайны эксперымент і вывела заканамернасць, паводле якой нумарацыя кватэр напрамую звязана...
|
|