ХРОНІКА АПОШНІХ ПАДЗЕЙ

Источник материала:

Грэцыі спатрэбіцца новы крэдыт на 60 мільярдаў еўра

Грэцыі спатрэбіцца дадатковы крэдыт у 60 мільярдаў еўра да 2013 года. Пра гэта паведамляе Thе Wаll Strееt Jоurnаl са спасылкай на прадстаўнікоў урада краіны.

Краіне можа спатрэбіцца дадатковая дапамога ў 27 мільярдаў еўра ў 2012 годзе і 32 мільярды ў 2013-м для абслугоўвання дзяржаўнага доўгу, які цяпер ацэньваецца ў 340 мільярдаў еўра.

У Іране запушчаны першы энергаблок Бушэрскай АЭС

На мінімальна кантралюемы ўзровень магутнасці выведзены энергаблок іранскай атамнай электрастанцыі "Бушэр". Расійская кампанія "Атамбудэкспарт" падкрэслівае, што АЭС пабудавана па нарматывах МАГАТЭ.

Як паведаміў "Атамбудэкспарт" на сваім вэб-сайце, увод параўтваральнай устаноўкі на энергаблоку 1 быў ажыццёўлены 8 мая, пасля чаго ў актыўнай зоне рэактара запусцілася самаадвольная рэакцыя дзялення ядзернага паліва. Зараз маюць быць праведзены шматлікія тэсты абсталявання.

Літва страціла паўмільёна жыхароў

Першыя вынікі перапісу насельніцтва ў Літве выклікалі шок: паводле звестак Дэпартамента статыстыкі, перапісана было толькі 2,7 млн чалавек, у той час як афіцыйна дагэтуль лічылася, што ў краіне пражываюць 3,2 млн жыхароў.

У Дэпартаменце статыстыкі Літвы паведамілі, што больш дакладная інфармацыя з'явіцца толькі 16 мая, а лічба 2,7 млн папярэдняя. Да таго ж работнікі дэпартамента спадзяюцца, што частка жыхароў, якія не ўдзельнічалі ў перапісе, хуткім часам самі прыйдуць на пункты перапісу, што павялічыць колькасць насельніцтва. Але і сёння відавочна, што Літва страціла прынамсі паўмільёна сваіх жыхароў, якія эмігравалі з краіны.

Праводзячы па 6 гадзін седзячы, чалавек рызыкуе рана памерці

Медыкі не раз казалі пра шкоду сядзячага ладу жыцця, але даследаванне цэнтра Mеdісаl Соdіng перавярнула ўяўленне пра гэтае пытанне. Як аказалася, калі чалавек сядзіць больш за шэсць гадзін у дзень, то рызыка ранняй смерці павялічваецца на 40% на працягу 15 найбліжэйшых гадоў.

Навукоўцы заўважаюць: павелічэнне рызыкі на 40% датычыцца жанчын. Мужчынам жа трохі больш пашанцавала. Для іх шэсць гадзін сядзення павялічваюць рызыку смерці ў маладым узросце на 20%. Справа ў тым, што за працоўны дзень актыўнасць мышцаў зводзіцца да нуля, а спальванне калорый раўняецца адной калорыі ў хвіліну. Энзімы выпрацоўваюцца не так хутка, як пры фізічнай актыўнасці. Гэта запавольвае абмен рэчываў. У сувязі з чым людзі, якія шмат сядзяць, удвая часцей пакутуюць ад хвароб сэрца.