На Столбцовщине спросом пользуется лес, выделенный на дрова

Вялікім попытам у жыхароў Стаўбцоўшчыны карыстаецца паслуга выдзялення лесу на корані.

З пачатку года адпушчана 17,2 тысячы м³ лесу на корані - больш, чым летась. Такім чынам на адведзеных дзялянках жадаючыя сваімі сіламі назапашваюць на зіму дровы. Абыходзіцца вельмі танна і без асаблівых праблем, калі не ўлічваць, што трэба папрацаваць.

У залежнасці ад жадання таго, хто хоча набыць дровы, лясніцтвы прапануюць і дровы ўжо гатовыя, нарыхтаваныя. Зразумела, з імі прасцей, значна менш работы, асабліва калі размова ідзе пра пажылых ці хворых людзей. Такіх дроў рэалізавана з лесасек за 10 месяцаў бягучага года амаль 3,8 тысячы м³. У лясгасе ёсць і такая паслуга, як дастаўка дроў непасрэдна ў двор заказчыку. Усяго было дастаўлена 1,5 тысячы м³ дроў. Акрамя таго, карыстаюцца попытам і недарагія дроваадходы з дрэваапрацоўчага цэха, што ў Акінчыцах. Сёлета іх рэалізавана лясгасам больш за 2,2 тысячы м³.