РОЗГАЛАС

Источник материала:

Пасажырскі поезд з Рыгі ў Мінск прыбыў са спазненнем больш як на 5 гадзін

Пасажырскі поезд з Рыгі ў Мінск прыбыў сёння са спазненнем больш як на 5 гадзін, паведамілі БЕЛТА ў прэс-службе Беларускай чыгункі.

"Поезд № 388 Рыга—Мінск прыбыў у сталіцу са спазненнем на 5 гадзін 21 хвіліну", — праінфармавалі ў прэс-службе. Затрымка поезда выклікана сходам 17 грузавых вагонаў-цыстэрнаў на тэрыторыі Латвіі (401 км станцыі Крауя Латвійскай чыгункі), які здарыўся 8 студзеня ў 23 гадзіны 14 хвілін па беларускім часе. Вагонаў Беларускай чыгункі сярод сышоўшых не было.

Для аказання дапамогі па ліквідацыі наступстваў сходу вагонаў у Латвію накіраваны аднаўленчы поезд станцыі Полацк Віцебскага аддзялення Беларускай чыгункі.

Начная пагоня ў сталіцы са стралянінай

Усё пачалося з таго, што ў 2.20 ночы работнікі АЗС па вуліцы Трасцянецкай у Мінску паведамілі ў міліцыю пра п'янага кіроўцу "БМВ-525", які, заправіўшыся, з'ехаў у бок праспекта Ракасоўскага. Неўзабаве нарады ДАІ ўбачылі гэтае аўто, якое на вялікай хуткасці імчала ў бок cкрыжавання Партызанскага праспекта і вуліцы Кашавога. Патрабаванне спыніцца кіроўца праігнараваў. Пачаўся пераслед.

— У спадарожным кірунку рухалася таксі. Кіроўца апошняга, заўважыўшы маячкі машын ДПС, з'ехаў да ўзбочыны і спыніўся. За ім спыніўся і "БМВ", аднак кіроўца з машыны не выйшаў. З інспектарам ён размаўляў праз адчыненыя дзверы. На патрабаванне выйсці кіроўца "БМВ" уключыў заднюю хуткасць і рвануў з месца. Пры гэтым ледзьве не пацярпеў інспектар, — распавёў падрабязнасці здарэння прэс-афіцэр Ленінскага РАУС Уладзімір Кухарчык.

Калі зноў распачаўся пераслед, інспектары мусілі выкарыстаць табельную зброю. Два папераджальныя стрэлы ў паветра — выніку няма. Давялося прастрэліць заднія колы "БМВ". Аднак кіроўцу гэта не спыніла: на дысках машына ўехала ў двор жылога дома. Толькі тут той кінуўся прэч, але далёка не ўцёк. Дарэчы, потым у яго крыві было зафіксавана 1,22 праміле алкаголю. Дык вось, калі праводзілася затрыманне, кіроўца паводзіў сябе даволі агрэсіўна, аказваў супраціўленне, так што давялося выкарыстоўваць наручнікі. Пакуль вядома толькі тое, што затрыманы — 1992 года нараджэння, паводле яго слоў, пражывае ў сталіцы, нідзе не працуе. Пасведчанне кіроўцы атрымаў крыху больш за год таму, аднак за гэты час ужо двойчы прыцягваўся да адказнасці за парушэнне правіл дарожнага руху.

Сяргей РАСОЛЬКА.