Прадпрыемства «Вiцязь» разменьвае трэцi дзесятак

Источник материала:

— Вельмi прыемна, — гаворыць Аляксей Сяргеевiч, — што старэйшае беларускамоўнае выданне ў асобе газеты «Звязда» не забыла, што ў «Вiцязя» гэтымi днямi 30-гадовы юбiлей. Паколькi ўсе ўрачыстасцi мы плануем правесцi крышку пазней, то будзе лагiчна, калi тэму з вытворчымi лiчбамi i дасягненнямi мы працягнем у тыя ж тэрмiны. Хоць скажу: на сёння прадпрыемства «Вiцязь» асвоiла выпуск шырокага мадэльнага рада тэлевiзараў на самыя розныя густы, ва ўсiх тэлепрыёмнiках прыменена самая найноўшая «начынка», дзякуючы чаму тэлевiзар «Вiцязь» можна паставiць побач з любой маркай сусветнавядомых мадэляў.

— Звычайны пакупнiк на сабе гэта адчуе?

— Несумненна. Прычым, цана на новыя мадэлi практычна нiчым не будзе адрознiвацца ад «старых» выпускаў.

— Наколькi гэта магчыма?

— Уся справа ў тым, што пачынаючы з 1 сакавiка 2006 года роўна год у нашых фiрменных магазiнах i секцыях для пакупнiкоў будзе дзейнiчаць «залатое права» купiць тэлевiзар «Вiцязь» з 5-працэнтнай скiдкай. З адной толькi ўмовай: калi чалавек мяркуе набыць «Вiцязь» танней у сакавiку, то ён, цi член яго сям’i, павiнен быць сакавiцкiм iмянiннiкам. У красавiку такое права пры наяўнасцi пашпарта маюць тыя, хто свой дзень нараджэння адзначае менавiта ў гэты месяц, i г.д.

Мы пастаралiся не пакiнуць без увагi i пакунiкоў, якiя набудуць новыя «блакiтныя экраны» з нашай маркай у звычайных гандлёвых кропках краiны. Пачынаючы з 1 сакавiка i да 31 снежня гэтага года людзi, якiя зрабiлi адпаведную пакупку і адправілі на завод запоўненую адкрытку, аўтаматычна становяцца ўдзельнiкамi рэкламнай гульнi, падчас якой будзе разыграна звыш 1000 вiцязеўскiх прызоў: цеплавентылятары, спадарожнiкавыя антэны... Прычым вынiкi будуць падводзiцца тройчы: 30 чэрвеня i 30 кастрычнiка 2006 года, а заключны этап — 30 студзеня 2007 года.

— Аляксей Сяргеевiч, адчуваецца, што лiчба 30 для прадпрыемства набывае нейкае магiчнае значэнне...

— Думаю, што не ў магii справа. Проста мы цэнiм сваiх пакупнiкоў, сярод якiх нямала людзей з сярэднiм дастаткам. Таму мы робiм усё магчымае, каб купля тэлевiзара «Вiцязь» для кожнага пакупнiка ўспрымалася не як адрыванне пэўнай часткi грошай з сямейнага бюджэту, а як нешта незвычайнае, урачыстае, з пачуццём таго, што ты не толькi купiў тэлевiзар, але i зэканомiў частку грошай. Згадзiцеся, што гэта немалаважная дэталь.

Гутарыў Уладзiмiр ЗДАНОВIЧ.