Прэзідэнт прыняў даверчыя граматы
Прэзідэнт Беларусі Аляксандр Лукашэнка 15 чэрвеня прыняў даверчыя граматы Кiраўнiка Прадстаўнiцтва Еўрапейскай камiсii ва Украiне, Малдове i Беларусi Iена Боуга, Надзвычайнага i Паўнамоцнага Пасла Рэспублiкi Казахстан у Рэспублiцы Беларусь Болата Iскакава i Надзвычайнага i Паўнамоцнага Пасла Рэспублiкi Перу ў Расii i Беларусi (па сумяшчальнiцтву) Умберта Умерэса Альварэса.
Прымаючы даверчыя граматы Кiраўнiка Прадстаўнiцтва Еўракамiсii, Аляксандр Лукашэнка выказаў гатоўнасць нашай краiны да супрацоўнiцтва з ЕС пры ўмове канструктыўных крокаў насустрач. Прэзiдэнт падкрэслiў, што «на кожны крок Еўрасаюза ў накiрунку супрацоўнiцтва Беларусь зробiць два-тры крокi». Кiраўнiк дзяржавы заявiў аб тым, што Беларусь прымае не толькi еўрапейскiя, але любыя цывiлiзаваныя i гуманныя каштоўнасцi i прытрымлiваецца iх пры ўмове, што гэта адпавядае iнтарэсам беларускага народа i не парушае Канстытуцыю i законы рэспублiкi. «А яны не менш цывiлiзаваныя, чым у еўрапейскiх дзяржавах», — сказаў Аляксандр Лукашэнка. У свой час Канстытуцыя Беларусi прайшла экспертызу ў асноўных юрыдычных цэнтрах Еўрасаюза, адзначыў беларускi лiдар. Аляксандр Лукашэнка запэўнiў дыпламата, што «Беларусь заўсёды была еўрапейскай дзяржавай, а агульначалавечыя каштоўнасцi з’яўляюцца краевугольным каменем дзяржаўнай палiтыкi». «Няма ў свеце дзяржавы, якая столькi ўвагi ўдзяляе народу, не перашкаджаючы пры гэтым жыць не толькi суседзям, але i тым еўрапейцам, якiх Вы прадстаўляеце», — падкрэслiў Прэзiдэнт. Кiраўнiк дзяржавы адзначыў, што калi Еўропа сапраўды хоча бачыць Беларусь добрасуседскай i працвiтаючай краiнай, дзе захоўваюцца iнтарэсы грамадзян, кiраўнiцтва рэспублiкi будзе iсцi насустрач. У той жа час Аляксандр Лукашэнка асаблiва звярнуў увагу на тое, што Беларусь не пацерпiць спроб дыктату i ўмяшання ва ўнутраныя справы. «Мы не пацерпiм нецывiлiзаваных выпадаў у адрас Беларусi i будзем прытрымлiвацца такой лiнii», — падкрэслiў беларускi лiдар. Кiраўнiк дзяржавы таксама лiчыць, што Еўрасаюз пры ацэнцы дзеянняў Беларусi забываецца пра праводзiмую ў краiне палiтыку па мiнiмiзацыi наступстваў катастрофы на Чарнобыльскай АЭС. «Мы заўсёды будзем карэкцiраваць сваю палiтыку з улiкам гэтай трагедыi, бо трэць тэрыторыi краiны падверглася радыяцыйнаму забруджванню. Гэта найцяжэйшая ноша, якая адбiваецца не толькi на эканомiцы, але i ў дыпламатыi», — сказаў Прэзiдэнт. Аляксандр Лукашэнка пажадаў Iену Боугу падчас яго будучай дыпламатычнай работы «iсцi наперад для дасягнення дынамiкi ў адносiнах». Трэба адмовiцца ад канфрантацыi i дакладна разумець, што ў Беларусi жыве добры i свабодалюбiвы народ, якi не пацерпiць дыктату ад якой бы там нi было краiны, перакананы Прэзiдэнт. Звяртаючыся да пасла, беларускi лiдар адзначыў, што кiраўнiцтва краiны прапануе «самыя льготныя ўмовы функцыянавання ў Беларусi, каб дзейнасць прадстаўнiцтва была паспяховай». У Беларусi i Перу неабмежаваныя перспектывы супрацоўнiцтва, заявiў Прэзiдэнт Беларусi Аляксандр Лукашэнка, прымаючы даверчыя граматы Надзвычайнага i Паўнамоцнага Пасла Рэспублiкi Перу ў Расii i Беларусi (па сумяшчальнiцтву) Умберта Умерэса Альварэса. Прэзiдэнт Беларусi Аляксандр Лукашэнка таксама прыняў даверчыя граматы Надзвычайнага i Паўнамоцнага Пасла Рэспублiкi Казахстан у Рэспублiцы Беларусь Болата Iскакава. «Я раблю гэта з вялiкiм задавальненнем», — сказаў Прэзiдэнт, выказаўшы такiм чынам свае добрыя адносiны да казахстанскага народа i кiраўнiцтва гэтай краiны. Прэс-служба Прэзiдэнта Рэспублiкi Беларусь.
Чтобы разместить новость на сайте или в блоге скопируйте код:
На вашем ресурсе это будет выглядеть так
Кiраўнiка Прадстаўнiцтва Еўрапейскай камiсii ва Украiне, Малдове i Беларусi Iена Боуга, Надзвычайнага i Паўнамоцнага Пасла Рэспублiкi Казахстан у Рэсп
|
|