Лiчыльнiк для алiментшчыкаў

Источник материала:

Канферэнц-зала

Непрыемны «сюрпрыз» падрыхтавала Мiнiстэрства юстыцыi Беларусi для злосных алiментшчыкаў.

Паводле слоў кiраўнiка Мiнюста Вiктара Галаванава, мiнiстэрства распрацавала праект закона, якiм прапануецца ўнесцi змены ў Кодэкс аб шлюбе i сям’i. Законапраект, праўда, пакуль яшчэ не прыняты. Але, як паведамiў Вiктар Галаванаў, дакумент адобраны ўрадам i знаходзiцца ў Палаце прадстаўнiкоў.

У памянёны Кодэкс плануецца ўвесцi цэлы артыкул, прысвечаны пагадненню аб выплаце алiментаў. Напрыклад, прапануецца ўстанавiць мiнiмальны памер алiментаў не менш, чым адна базавая велiчыня. Пакуль што сума выплат не мае фiксаванай мiнiмальнай мяжы i залежыць ад заробку алiментшчыка. Дапамога на 1 дзiця складае 25 працэнтаў ад сумы заробку, на дваiх дзяцей — трэць, на траiх i больш — палову даходаў. З прыняццем новага закона, сума алiментаў будзе рэгулявацца мужам i жонкай толькi ў бок павелiчэння i замацоўвацца спецыяльным пагадненнем. Па ўзгадненню бакоў спосабы выплаты алiментаў могуць быць розныя: у грашовым цi маёмасным эквiваленце. Мужу можна будзе разлiчыцца з бацькоўскiмi даўгамi адразу ж альбо заплацiць за некалькi гадоў наперад. Будзе ўстаноўлена i адказнасць за несвоечасовую iх выплату — 0,3 працэнта за кожны пратэрмiнаваны дзень. А такiх, мякка кажучы, бяспамятных бацькоў даволi шмат. Толькi ў Расii знаходзяцца каля 4 тысяч грамадзян Беларусi, якiя ўхiляюцца ад выплаты алiментаў.