«Небяспечны» працаздольны ўзрост

Источник материала:

Цi не галоўным тлумачэннем падобнай сiтуацыi можна назваць значнае (у 1,3 раза) перавышэнне паказчыкаў смяротнасцi мужчынскага насельнiцтва ў працаздольным узросце. Прычым, зазначыла Ала Мiкалуцкая, больш высокая смяротнасць мужчын вядзе не толькi да страты працоўнага патэнцыялу рэгiёна, аднак i да такiх негатыўных з’яў, як дыспрапорцыя ў шлюбнай структуры грамадзян i роста колькасцi няпоўных сем’яў.

Летась смяротнасць сярод працаздольнага насельнiцтва ад захворванняў удалося знiзiць. I ў той жа час факт застаецца фактам: да 75 працэнтаў выпадкаў заўчаснага зыходу з жыцця ў рэгiёне маюць зусiм «неабавязковыя» прычыны — няшчасныя здарэннi, атручваннi, траўмы. У мiнулым годзе толькi ў вынiку пажараў загiнулi 267, самазабойстваў — 469 i пераахаладжэння — 142 чалавекi. Да таго ж практычна кожная сёмая заўчасная смерць тлумачыцца ўжываннем алкаголю, а кожная пятая — наступствамi дарожна-транспартных здарэнняў.

У сувязi з гэтым, паведамiла Ала Мiкалуцкая, у вобласцi пастаўлены задачы пашырыць сетку лячэбных устаноў, якiя будуць здзяйсняць лячэнне грамадзян ад наркатычнай i алкагольнай залежнасцi, а таксама распрацаваць сiстэму ўлiку асобаў, якiя маюць такую залежнасць. Да таго ж не менш значным напрамкам застанецца прафiлактыка вытворчага траўматызму i прафесiйных захворванняў. Яго паказчыкi ў рэгiёне змяншаюцца, i не ў апошнюю чаргу — дзякуючы мадэрнiзацыi i рэканструкцыi вытворчасцяў, а таксама практыцы работы мабiльных груп, якiя займаюцца папярэджаннем няшчасных здарэнняў у сельгаспрадпрыемствах падчас пасяўной i жнiва.

Мiж тым, яшчэ адзiн шлях скарачэння «дэмаграфiчных нажнiц» — нараджальнасць. Апошнiм часам тут таксама назiраецца шэраг крызiсных з’яў, такiх, як масавае распаўсюджванне нешматдзетнасцi (стаўка на сям’ю з 1—2 дзецьмi), рэзкае знiжэнне нараджальнасцi ва ўзроставай групе да 20 гадоў, рост нараджальнасцi па-за шлюбам. Таму, мяркуе Ала Мiкалуцкая, сёння асаблiвае значэнне набываюць захады па ўмацаванню iнстытута сям’i. Так, толькi ў мiнулым годзе ў вобласцi быў адчынены першы ў краiне Музей Мацi ў Салiгорску, выдадзена кнiга i зняты кiнафiльм аб лепшых мацi Мiншчыны. Апроч таго, ужо сталася традыцыяй правядзенне конкурсу «Лепшая шматдзетная сям’я».

Пры гэтым, зазначыла Ала Мiкалуцкая, менавiта зараз у рэгiёне складваюцца някепскiя дэмаграфiчныя шанцы. Аналiз сведчыць, што абсалютная большасць нараджэнняў прыпадае на жанчын ва ўзросце ад 20 да 29 гадоў. I колькасць такiх жанчын блiжэйшым часам будзе ўзрастаць.