Прэзiдэнт Беларусi заклiкаў да кансалiдацыi ўсiх сiл грамадства для забеспячэння эканамiчнай бяспе
Прэзiдэнт Беларусi Аляксандр Лукашэнка 2 сакавiка ўручыў дзяржаўныя ўзнагароды групе парламентарыяў, ваеннаслужачых, педагагiчных i навуковых работнiкаў, прадстаўнiкам сферы аховы здароўя, культуры, працаўнiкам энергетычнай галiны i iншых галiн.
Кiраўнiк дзяржавы адзначыў, што новыя ўмовы гаспадарання выставiлi на першы план неабходнасць рацыянальнага выкарыстання ўсiх матэрыяльных рэсурсаў, i перш за ўсё энергетычных. Паводле слоў Аляксандра Лукашэнкi, сёння Беларусь перажывае складаны перыяд, якi патрабуе асаблiвай кансалiдацыi сiл грамадства ў мэтах забеспячэння эканамiчнай бяспекi, сацыяльна-палiтычнай стабiльнасцi i далейшага паляпшэння якасцi жыцця людзей. На думку Прэзiдэнта, у рэспублiцы ёсць перадумовы для дасягнення поспехаў у рэалiзацыi праграмы бягучай пяцiгодкi: ёсць добры зачын у нарошчваннi iнвестыцый у рэальны сектар эканомiкi, закладзены ў мiнулым годзе, а таксама вопыт перадавых прадпрыемстваў у мадэрнiзацыi вытворчасцi. Эканомiя i беражлiвасць павiнны стаць асновай нацыянальнай бяспекi, падкрэслiў Прэзiдэнт Беларусi. Кiраўнiк дзяржавы ўручыў ордэн Айчыны II ступенi старшынi Пастаяннай камiсii Савета Рэспублiкi Нацыянальнага сходу па рэгiянальнай палiтыцы i мясцоваму самакiраванню Анатолю Малафееву. Сярод узнагароджаных таксама старшыня Пастаяннай камiсii Савета Рэспублiкi Нацыянальнага сходу па мiжнародных справах i нацыянальнай бяспецы Мiкалай Чаргiнец — ён удастоены ордэна Айчыны III ступенi. Медалямi i ганаровымi званнямi за шматгадовую плённую працу i высокi прафесiяналiзм адзначаны кiраўнiкi i спецыялiсты камунальнага прадпрыемства «Мiнсктранс», устаноў адукацыi, аховы здароўя, а таксама працоўны калектыў вытворчага аб’яднання «Беларуснафта». «Здабытыя ў беларускiх нетрах нафта i газ у сучасных умовах маюць для краiны надзвычайнае значэнне», — сказаў кiраўнiк дзяржавы. Аляксандр Лукашэнка ўручыў ордэн Францыска Скарыны артыстцы Нацыянальнага акадэмiчнага драматычнага тэатра iмя Якуба Коласа Святлане Акружной, дырэктару — мастацкаму кiраўнiку Беларускага дзяржаўнага заслужанага харэаграфiчнага ансамбля «Харошкi» Валянцiне Гаявой, загадчыку кафедры харавога дырыжыравання Беларускай дзяржаўнай акадэмii музыкi Вiктару Роўду, дэкану медыка-прафiлактычнага факультэта Беларускага дзяржаўнага медыцынскага ўнiверсiтэта Iосiфу Раманоўскаму. Вялiкая група супрацоўнiкаў Дзяржаўнага камiтэта пагранiчных войскаў удастоена ордэнаў i медалёў за паспяховае правядзенне работ па ўладкаванню дзяржаўнай гранiцы Беларусi з Лiтвой i Латвiяй. За мужнасць i гераiзм адзначаны ордэнамi i медалямi ваеннаслужачыя ўнутраных войскаў i мiлiцыянеры, якiя вызначылiся ў барацьбе са злачыннасцю. Прэс-служба Прэзiдэнта Рэспублiкi Беларусь. Чтобы разместить новость на сайте или в блоге скопируйте код:
На вашем ресурсе это будет выглядеть так
Прэзiдэнт Беларусi Аляксандр Лукашэнка 2 сакавiка ўручыў дзяржаўныя ўзнагароды групе парламентарыяў, ваеннаслужачых, педагагiчных i навуковых работнiк
|
|