Iсцiна нараджаецца ў дыялогу

Источник материала:

«Сёння мы не ставiм мэтай навучыць вас працаваць. Для нас самае галоўнае — кантакт з вамi, дыялог, падчас якога на «паверхню» павiнны выплыць усе вашы праблемы. А мы будзем садзейнiчаць iх вырашэнню», — сказаў, звяртаючыся да аўдыторыi, Генадзь Навіцкі.

Пытаннi, якiя пасля прапановы Старшынi Савета Рэспублiкi прысутныя пачалi задаваць вельмi актыўна, датычылiся ў першую чаргу рэалiзацыi Указа Прэзiдэнта № 21 «Аб павышэннi ролi органаў мясцовага кiравання i самакiравання ў вырашэннi пытанняў жыццезабеспячэння насельнiцтва». Старшынь раённых i гарадскiх Саветаў хвалявала, як правiльна вылiчваць нарматыў бюджэтнай забяспечанасцi, на чыiм балансе павiнны знаходзiцца дарогi, праезды i ўнутрывясковыя вулiцы, хто павiнен абслугоўваць вулiчнае асвятленне, як спрасцiць падрыхтоўку новай тэхнiчнай дакументацыi і інш. Па вынiках сустрэчы ў рамках работы Савета па ўзаемадзеянню будуць выпрацаваны i накiраваны на разгляд у Савет Мiнiстраў адпаведныя прапановы.

Старшыня Савета Рэспублiкi ў сваiм выступленнi закрануў таксама асноўныя патрабаваннi, якiя вынiкаюць з падпiсанай Прэзiдэнтам Рэспублiкi Беларусь 14 чэрвеня 2007 г. Дырэктывы № 3, i заклiкаў Саветы дэпутатаў усiх узроўняў знайсцi сваю нiшу ў вырашэннi задач, нацэленых на ўзмацненне рэжыму эканомii.

З iнфармацыяй аб некаторых пытаннях, звязаных з фiнансава-эканамiчным забеспячэннем дзейнасцi Саветаў дэпутатаў пярвiчнага ўзроўню, выступiў начальнiк галоўнага ўпраўлення бюджэтнай палiтыкi Мiнiстэрства фiнансаў Максiм Ермаловiч.

Наталля КАРПЕНКА.

P.S. Больш падрабязна аб сустрэчы Старшынi Савета Рэспублiкi са старшынямi раённых i гарадскiх Саветаў дэпутатаў мы раскажам у блiжэйшым нумары «Местного самоуправления».