Главная
Гороскопы
Абзац
Абзац
Камiсiя УП "Гарадскiя паркi Мiнскзеленбуда" пачала праверку ўсiх атракцыёнаў сталiцы, у тым лiку i тых, якiя належаць прыватным прадпрыемствам. ДТЗ у Пружанскiм раёне забрала жыццi двух чалавек. У вынiку лабавога сутыкнення на трасе аўтамабiляў "Фольксваген" i "БМВ" загiнулi два чалавекi i трое паранены. За апошнiя 10 гадоў аўтапарк у Беларусi павялiчыўся на 60 працэнтаў i зараз складае каля 2,5 млн транспартных сродкаў. На чатырох жыхароў рэспублiкi прыходзiцца адзiн аўтамабiль, а ў Мiнску — на трох жыхароў горада. У сувязi з гэтым павялiчваецца напружанасць на дарогах i колькасць ДТЗ. Толькi за паўгода ў Беларусi адбылося больш як 33 тыс. ДТЗ, у якiх загiнулi 625 чалавек, параненыя 3288. ДАІ прадпрымае меры па скарачэннi аварыйнасцi, напрыклад сёлета адноўлена верталётнае патруляванне. Акрамя таго, у наступным годзе плануецца больш маштабна ўкараняць вiдэафiксацыю парушэнняў. Продаж спiртнога 16 лiпеня, у "дзень цвярозасцi" на "Славянскiм базары ў Вiцебску", будзе абмежаваны на ўсiх аб’ектах гандлю абласнога цэнтра. Алкаголь будзе рэалiзоўвацца ў рэстаранах i кафэ вышэйшай нацэначнай катэгорыi, прычым за продаж "на вынас" прадаўцы будуць несцi сур’ёзную адказнасць. Магазiны ў гэты дзень гандляваць спiртным не будуць увогуле. Ранiцай у чацвер у Санкт-Пецярбургу прагулачны катэр сутыкнуўся з крэйсерам "Аўрора". Мужчына, якi знаходзiўся на катэры, шпiталiзаваны ў цяжкiм стане, жанчыне, што суправаджала яго, дапамога была аказана на месцы. Катэр быў адбуксiраваны на стаянку Дзяржiнспекцыi па маламерных суднах, спецыялiсты якой павiнны ўстанавiць прычыну аварыi. Водазмяшчэнне крэйсера "Аўрора", як вядома, складае больш за 6700 тон. Для параўнання: водазмяшчэнне прагулачнага катэра не перавышае пяцi тон. Поўны абзацУ Растоўскай вобласцi ўстаноўлены помнiк у выглядзе жаночых грудзей, на якiх ляжыць мужчынская рука. Помнiк, якi адчыняць для агляду ў суботу, размясцiлi ў гарадскiм парку Батайска. Па задуме аўтараў мужчына, якi дакранецца да гэтага манумента, знойдзе шчасце ў сямейным жыццi. У будучым каля помнiка плануюць устанавiць лаўку закаханых, а таксама абсталяваць "паляну прымiрэння" для сямейных пар. Паводле паведамленняў карэспандэнтаў "Звязды" і інфармагенцтваў.
Чтобы разместить новость на сайте или в блоге скопируйте код:
На вашем ресурсе это будет выглядеть так
У Растоўскай вобласцi ўстаноўлены помнiк у выглядзе жаночых грудзей, на якiх ляжыць мужчынская рука. Помнiк, якi адчыняць для агляду ў суботу, размясц
|
|