Найшла каса на... каноплi. І зламалася
Найшла каса на... каноплi. І зламалася
Не адна нават, а дзве. I было гэта ў Добрушскiм раёне, у выселенай вёсцы ў вынiку так званых чарнобыльскiх падзей. Тут, як паведамiў нам кiраўнiк прэс-цэнтра УУС Гомельскага аблвыканкама Iгар Грышкевiч, была выяўлена плошча больш чым у адзiн гектар, на якой раслi каноплi-дзiкаркi, самасейкi. Iх вышыня была звыш двух метраў, бо выраслi на месцы былой жывёлагадоўчай фермы. "Плантацыя" гэта, як гаворыцца, выспела ўжо для таго, каб прымаць ахвотнiкаў здабываць дурман. Таму мiлiцыя вырашыла знiшчыць яе з дапамогай трактара з касiлкай. Але гэту спецтэхнiку выкарыстаць не ўдалося: перашкаджалi рэшткi бетонных плiт, камянi, цэгла, дошкi i да т.п. Вось тады за справу ўзяўся асабовы склад мiлiцыi i ўзвод па ахове зонаў адсялення i адчужэння, пачаўшы "атаку" на каноплi з косамi. Але сцёблы канопляў былi такiя тоўстыя i трывалыя, што косы ламалiся i тупiлiся. Давялося хлопцам-малайцам выкарчоўваць каноплi з каранямi, прымянiўшы сваю сiлу. Як вядома, у рэспублiцы праводзiцца спецыяльная аперацыя "Мак", i на Гомельшчыне зафiксавана ўжо 102 факты незаконнага пасеву яго i канопляў на прысядзiбных участках жыхароў. Гэта значна меней, чым за адпаведны перыяд мiнулых гадоў. Прычына ў так званым абуджэннi свядомасцi людзей, аб чым гаворыць i тое, што ў мiлiцыю паступаюць звесткi аб iснуючых участках дзiкарослага маку i канопляў. Уладзiмiр ПЕРНIКАЎ.
Чтобы разместить новость на сайте или в блоге скопируйте код:
На вашем ресурсе это будет выглядеть так
Не адна нават, а дзве. I было гэта ў Добрушскiм раёне, у выселенай вёсцы ў вынiку так званых чарнобыльскiх падзей. Тут, як паведамiў нам кiраўнiк прэс
|
|