Вiктар Ганчарэнка: "Балгары нам апладзiравалi"
Вiктар Ганчарэнка: "Балгары нам апладзiравалi"
Наўздагон Яшчэ нiколi ў суверэннай гiсторыi айчыннага футбола нi адзiн беларускi клуб не быў так блiзка да групавога этапа самага прэстыжнага футбольнага турнiру — Лiгi чэмпiёнаў, як БАТЭ. Чэмпiён краiны i летась дайшоў як нiколi далёка — да трэцяга квалiфiкацыйнага раўнда, дзе саступiў румынскай "Сцяўа". Сёлета ў першым матчы трэцяга раўнда барысаўскi клуб перамог балгарскi "Леўскi", што прымушае спадзявацца на ўдалы зыход i ў паядынку ў адказ. Але нягледзячы на тое, якiм будзе гэты вынiк, самае галоўнае беларускi клуб ужо зрабiў. Гэта нават не еўрапейскi рэзананс, якi выклiкала перамога барысаўчан у другiм раўндзе над бельгiйскiм "Андэрлехтам", клубам, бюджэт якога вымяраецца зусiм iншай колькасцю нулёў у лiчбах. У ноч пасля перамогi БАТЭ ў Сафii я не магла заснуць — пасля трансляцыi матчу пад вокнамi ў двары хлопцы ганялi мяч да паловы першай... На мой погляд, сёння дзiцячым трэнерам не так сумна глядзець у будучыню, як яшчэ некалькi гадоў таму... З Сафii беларускi клуб вярнуўся ў чацвер ранiцай. Некалькi пытанняў мы задалi галоўнаму трэнеру Вiктару Ганчарэнку. — Вiктар Мiхайлавiч, праз суткi пасля матчу як ацэньваеце гульню камандаў? — I мы, i сапернiк згулялi ў нядрэнны футбол, але мы больш удала выкарысталi свае моманты. — Схiльныя спiсваць гэта на шанцаванне або гэта ўсё ж заканамернасць? — Я мяркую, што тут усё разам. У нас добрая каманда, якая здолела адыграць да канца, але ў футболе, як i ва ўсiм спорце, без фарту не абысцiся. — Верамко з-за перабору жоўтых картак не згуляе ў наступным матчы супраць "Леўскi". Наколькi гэта значная страта для каманды? — Верамко — асноўны наш варатар, якi правёў у Сафii выдатны матч. Але я ўпэўнены i ў Гутары. На трэнiроўках ён пакiдае добрае ўражанне, што вельмi нас радуе. Трэба ставiцца да страты Верамко спакойна, тым больш што ў нас ужо былi сiтуацыi, калi лiдары выбывалi i мы дастойна здолелi iх замянiць. — Як сустракалi балгары? — Спачатку трыбуны iмкнулiся давiць на нас, а калi ўбачылi, што мы дастойны сапернiк, сталi хварэць нейтральна, а ў канцы нават нам апладзiравалi. — Балельшчыкi балгарскага ЦСКА абяцалi прыбыць на матч i хварэць супраць "Леўскi"... — Не, нiчога такога, здаецца, не было. Але стадыён хварэў вельмi гучна. Я не чуў свайго голасу, да футбалiстаў увогуле немагчыма было дакрычацца. — Пасля матчу з вашай камандай звольнiлi галоўнага трэнера "Леўскi" Велiслава Вуцава. Што скажаце на гэты конт? — Ну, што тут сказаць? Гэта не мой клопат каментаваць адстаўку трэнера, я сам такi ж трэнер. Як паўплывае гэта перамена на балгарскi клуб, з якiм нам хутка зноў сустракацца, цяжка прадказаць. Новы трэнер звычайна ўзрушвае каманду, i ў першых матчах можа быць як станоўчы, так i адмоўны вынiк. — Як каманда адзначыла сваю перамогу? — Нiяк. Мы зрабiлi толькi адзiн крок, а трэба яшчэ адзiн... Алена АЎЧЫННIКАВА.
Чтобы разместить новость на сайте или в блоге скопируйте код:
На вашем ресурсе это будет выглядеть так
Яшчэ нiколi ў суверэннай гiсторыi айчыннага футбола нi адзiн беларускi клуб не быў так блiзка да групавога этапа самага прэстыжнага футбольнага турнiр
|
|