Аперацыя Ы ў вясковай краме
Аперацыя Ы ў вясковай краме
Амаль што як у любiмым усiмi кiнафiльме, знакамiтай камедыi "Аперацыя "Ы", учынiлi крадзеж у вясковай краме ў беларускай глыбiнцы. Верагодна, стваральнiкi фiльма i ўявiць сабе не маглi, што сюжэт праз дзясяткi гадоў зможа амаль што цалкам паўтарыцца ў рэальнасцi. А ўсё пачалося прыкладна так. Супрацоўнiкi Аршанскага РАУС атрымалi паведамленне пра тое, што ў краме ў вёсцы Шыбекi ўчынiлi крадзеж. Мiлiцыянеры на месцы здарэння вызначылi, што пранiклi ўсярэдзiну будынка праз дах. Паводле слоў загадчыцы крамы Кацярыны Пятроўны (iмя i iмя па бацьку зменены), скралi тавараў на суму больш за 2,4 мiльёна рублёў. Як i звычайна ў такiх выпадках, узбудзiлi крымiнальную справу па факце крадзяжу. У ходзе расследавання "вылiчылi" мясцовага жыхара, якi прызнаўся — у краму пранiк, але... Нiчога, аказваецца, не скраў. Незаконна "пабываў" у краме па просьбе... загадчыцы i, натуральна, "не за дзякуй". Яна, маўляў, сказала, што нястача стварылася i... Як паведамiў "Звяздзе" намеснiк пракурора Аршанскага раёна Аляксей Бузiкаў, пасля правядзення вочнай стаўкi, а таксама прад’яўлення iншых сабраных па справе доказаў загадчыца прызнала сваю вiну. Яна расказала, што неаднаразова брала грошы з касы крамы, выкарыстоўвала тавары для сваiх патрэбаў. Такiм чынам i ўзнiкла нястача. Жанчына яе ўтойвала, складаючы фiктыўныя справаздачы, уносячы ў iх падманныя запiсы аб наяўнасцi ў краме фактычна скрадзеных ёю тавараў. Заказчыцу "крадзяжу" на злачынныя дзеяннi "натхнiла" i тое, што, нягледзячы на значныя сумы выяўленых першапачаткова ў яе нястач, кiраўнiцтва райпа не надало гэтаму неабходнага значэння i своечасова не паведамiла ў праваахоўныя органы. Гэта выявiлi падчас следства. Напэўна, i гэтыя абставiны дазволiлi Кацярыне Пятроўне i пазней працягваць злачынную дзейнасць, а таксама iнсцэнiраваць крадзеж. Прыгаворам суда жанчыне прызначана пакаранне — 2 гады абмежавання волi. Таксама пазбавiлi права на гэты ж тэрмiн займаць пасады, звязаныя з абслугоўваннем таварна-матэрыяльных каштоўнасцяў. Аляксандр ПУКШАНСКІ.
Чтобы разместить новость на сайте или в блоге скопируйте код:
На вашем ресурсе это будет выглядеть так
Амаль што як у любiмым усiмi кiнафiльме, знакамiтай камедыi "Аперацыя "Ы", учынiлi крадзеж у вясковай краме ў беларускай глыбiнцы. Вера
|
|