1 красавіка — Уваскрэсенне Хрыстова
30.03.2018
—
Разное
|
>
Паважаныя каталіцкія вернікі Пастаўшчыны! Шчыра віншуем вас з галоўным святам усяго хрысціянскага свету — Вялікаднем, які сімвалізуе непарыўную сувязь пакаленняў, аб’ядноўвае агульнай радасцю, адклікаецца ў сэрцах веруючых непахіснай надзеяй. І ў наш вірлівы час людзі чэрпаюць у ім сілы, імкнуцца да таго, каб у сем’ях панавалі любоў і згода, павага і ўзаемаразуменне. Няхай гэта найвялікшае свята напоўніць вас міласэрнасцю, спакоем, а ўзнёслы пасхальны настрой дапамагае кожнаму верніку ў справе духоўнага ўдасканалення, абнаўляе ваша жыццё і садзейнічае новым поспехам. Сяргей ЧЭПІК, старшыня раённага выканаўчага камітэта Паважаныя землякі-католікі! Сардэчна віншую вас з Вялікаднем! Пасхальныя дні заклікаюць нас цаніць самы каштоўны дар — жыццё, захоўваць спакой у сваёй душы, быць шчырымі і адкрытымі, любіць бліжніх. Менавіта міласэрнасць, чуласць, спагада з’яўляюцца неад’емнымі рысамі характару беларусаў. Няхай гэта вялікае хрысціянскае свята ўмацоўвае сем’і, дапамагае верыць, спадзявацца і любіць. Жадаю ўсім моцнага здароўя, поспехаў, здзяйснення запаветных мар, шчасця. Сяргей ЗЯМЧОНАК, дэпутат Палаты прадстаўнікоў Умілаваныя браты і сёстры ў Хрысце! Прыміце шчырыя віншаванні разам з радаснай весткай: Хрыстос сапраўды ўваскрос! Гэта не проста вестка, а вялікая гістарычная падзея, якая сведчыць аб Божай любові да ўсяго свету, чалавецтва і кожнага з нас. Вялікдзень — цудоўная нагода адказаць узаемнасцю Богу, аднаўляючы падчас святой Літургіі хросныя абяцанні і вызнаючы сваю веру ў Езуса Хрыста — Сына Божага, які «дзеля нас, людзей, і дзеля нашага збаўлення сышоў з неба, стаў чалавекам, быў замучаны і пахаваны. І на трэці дзень уваскрос паводле Пісання». Дарагія вернікі! Няхай Уваскрослы Пан у гэты святы час яшчэ раз дакранецца да нашых сэрцаў, ачышчаных праз вялікапоснае пакаянне, і напоўніць верай і мудрасцю, каб мы маглі з пакорай прымаць усе праблемы і цяжкасці штодзённага жыцця, быць вернымі вучнямі і нястомнымі прапаведнікамі Хрыстовай перамогі над смерцю, нянавісцю і эгаізмам. Хрыстос уваскрос! Ксёндз-дэкан Павел САМСОНАЎ, пробашч дунілавіцкага касцёла Чтобы разместить новость на сайте или в блоге скопируйте код:
На вашем ресурсе это будет выглядеть так
> Паважаныя каталіцкія вернікі Пастаўшчыны! Шаноўныя святары, сёстры законныя! Шчыра віншуем вас з галоўным святам усяго хрысціянскага свету — Вялікаднем, які...
|
|