Адкрываецца паляванне на рабчыка і фазана

Источник материала:

З першай суботы верасня, якая сёлета прыпадае на 1-е чысло, у краіне распачынаецца сезон палявання на рабчыка, шэрую курапатку і фазана. Доўжыцца ён будзе па 9 снежня.

— Паляваць можна будзе на птушку любога полу і ўзросту, — сказаў старшы дзяржаўны інспектар Мінскай абласной інспекцыі аховы жывёльнага і расліннага свету Вадзім Варабей. — Дазволена паляванне ў светлы час сутак зброевым спосабам з выкарыстаннем гладкаствольнай паляўнічай зброі і патронаў з дробам. Дазваляецца выкарыстоўваць і паляўнічых сабак, акрамя ганчакоў і хартоў. Паляваць на птушку можна будзе і з выкарыстаннем лоўчых птушак.

Сяргей РАСОЛЬКА.