Не стала Лоўгача Віктара Аляксандравіча

05.12.2019 — Новости Общества |

Размер текста:: A; A; A

Источник материала:

4 снежня пасля працяглай хваробы перастала біцца сэрца таленавітага журналіста і пісьменніка Віктара Лоўгача.

Віктар Аляксандравіч нарадзіўся 15 жніўня 1936 года ў вёсцы Хісцецкі Бор Жыткавіцкага раёна. Больш за 50 гадоў працаваў у сродках масавай інфармацыі рэгіёна, прайшоў шлях ад літсупрацоўніка да галоўнага рэдактара раённай газеты.

Член двух творчых саюзаў — журналістаў і пісьменнікаў, Віктар Лоўгач пісаў на беларускай мове апавяданні, гумарэскі, публіцыстыку. Выдаў кнігі гумару “Таблеткі для сну”, “Эліксір здароўя”, “Замовы ад спакус” і іншыя, дакументальную аповесць “Пірат, узяць!”.

Сатырычныя і гумарыстычныя творы друкаваліся ў раённых, абласной і рэспубліканскіх газетах, часопісах і шматлікіх зборніках, альманахах. Асабліва плённа Віктар
Аляксандравіч супрацоўнічаў з часопісам “Вожык”. Жыў у гарпасёлку Акцябрскі.

Праўленне абласной журналісцкай арганізацыі і савет абласнога аддзялення Саюза пісьменнікаў Беларусі глыбока смуткуюць у сувязі са смерцю таленавітага журналіста і літаратара ЛОЎГАЧА Віктара Аляксандравіча і выказваюць спачуванне яго родным і блізкім.

Вечная Вам памяць, шаноўны Віктар Аляксандравіч!