Главная
Гороскопы
ГРЫП паставiў усiх у тупiк
Надзея НIКАЛАЕВА
Паводле слоў кiраўнiка Нацыянальнага цэнтра па грыпу Наталлi Грыбковай, сiтуацыя з захворваемасцю насельнiцтва на грып i вострыя рэспiраторныя захворваннi, якая назiраецца ў Беларусi сёлета, з’яўляецца нехарактэрнай i нетыповай. Прычым, аналагiчная карцiна назiраецца i ва ўсiх iншых краiнах, якiя традыцыйна «грыпуюць» у другой палове зiмы. Паўсюдна эпiдэмiя грыпу развiваецца маруднымi тэмпамi i недастаткова iнтэнсiўна. Хварэюць або асобныя населеныя пункты, або асобныя калектывы, а вось уласцiвай для эпiдэмiй грыпу масавасцi чамусьцi не назiраецца. Магчыма, карэкцiвы ў сiтуацыю з прастуднай захворваемасцю ўнесла незвычайна марозная i сухая зiма. Але ў такiм разе ў эпiдэмii грыпу яшчэ будуць шанцы разгарэцца, бо наперадзе нас чакае мокрае i слотнае веснавое надвор’е.
Наталля Грыбкова прыгадала год, калi эпiдэмiя грыпу ахапiла Беларусь толькi ў сакавiку, а ў лiстападзе прыйшла ўжо новая эпiдэмiя — такiм чынам беларусам давялося на працягу аднаго каляндарнага года змагацца адразу з дзвюма грыпознымi хвалямi. Спецыялiсты не выключаюць таксама, што на iнтэнсiўнасць эпiдпрацэсу магла паўплываць i тая акалiчнасць, што ў паўночным паўшар’i цыркулююць добра знаёмыя нам па ранейшых эпiдэмiях штамы вiрусаў грыпу, да якiх у многiх выпрацаваўся iмунiтэт. Мiж iншым, даныя лабараторных даследаванняў сведчаць аб тым, што ў вiрусным пейзажы вiрусы грыпу зусiм не дамiнуюць, а гэта азначае, што беларусы хварэюць пераважна на iншыя вострыя рэспiраторныя захворваннi. Нагадаем: пакуль што толькi чатыры з васемнаццацi кантрольных гарадоў аказалiся ўцягнутымi ў эпiдэмiю грыпу — гэта Гродна, Баранавiчы, Барысаў i Лiда. Барысаў аб’явiў аб разгортваннi на сваёй тэрыторыi процiэпiдэмiчных мерапрыемстваў 6 сакавiка, а 10 сакавiка аб пачатку эпiдэмii «адрапартавала» Лiда.
Чтобы разместить новость на сайте или в блоге скопируйте код:
На вашем ресурсе это будет выглядеть так
Паводле слоў кiраўнiка Нацыянальнага цэнтра па грыпу Наталлi Грыбковай, сiтуацыя з захворваемасцю насельнiцтва на грып i вострыя рэспiраторныя захворв
|
|