Беларусь нiколi не адмовiцца ад свайго суверэнiтэту
Расiя заўсёды была i будзе самай надзейнай, брацкай дзяржавай, з якой Беларусь будзе будаваць саюзныя адносiны. Аб гэтым заявiў сёння кiраўнiк дзяржавы Аляксандр Лукашэнка на сустрэчы з дэлегацыяй Паўночна-Заходняй федэральнай акругi Расiйскай Федэрацыi.
Адзначыўшы, што сёння шмат iдзе размоў наконт тармажэння двухбаковых адносiнаў, Аляксандр Лукашэнка сказаў: «Дзесьцi ёсць тармажэнне, дзесьцi мы паскараемся». Пры гэтым ён падкрэслiў, што за 10 гадоў беларуска-расiйскi тавараабарот вырас у тры разы. «Назавiце ў свеце прыклад такога супрацоўнiцтва», — заўважыў у сувязi з гэтым Аляксандр Лукашэнка. Цэны на газ або нафту не паўплываюць на беларуска-расiйскiя адносiны. Аб гэтым заявiў прэзiдэнт Беларусi Аляксандр Лукашэнка. «Нiякiя газавыя праблемы не змогуць перашкодзiць дружбе Беларусi i Расii», — падкрэслiў кiраўнiк беларускай дзяржавы. «Як бы нi складвалiся нашы адносiны, ведайце, што ў Беларусi ў вас самыя надзейныя сябры», — запэўнiў Аляксандр Лукашэнка расiйскiх гасцей, дадаўшы пры гэтым, што ўбiць клiн у супрацоўнiцтва Беларусi i Расii нiкому не ўдасца. Аляксандр Лукашэнка лiчыць беспадстаўным сцвярджэнне аб тым, што Беларусь хоча «за дружбу» купiць расiйскi газ або расiйскую нафту. «Гэта не так. Мы можам супрацоўнiчаць з Расiйскай Федэрацыяй, таму што наша эканомiка па ўсiх напрамках зладжана функцыянуе», — заявiў беларускi лiдар. Паводле слоў Аляксандра Лукашэнкi, беларуская эканомiка забяспечвае работай больш як 5 млн. чалавек у Расii. «Мы вырабляем фiнiшную прадукцыю, для якой патрэбны камплектуючыя запчасткi, а iх вырабляюць у Расii. Таму, узнiмаючы свае МАЗы i БЕЛАЗы, мы ўзнiмаем i вашы прадпрыемствы», — сказаў ён. Кiраўнiк дзяржавы падкрэслiў, што беларускiм таваравытворцам даводзiцца нялёгка ва ўмовах канкурэнцыi, у тым лiку ў рамках Саюза Беларусi i Расii. Адзначыўшы пазiтыўную тэндэнцыю росту ВУП, Аляксандр Лукашэнка сказаў: «Але мы не сталi такiмi багатымi, як Расiя. Прадпрыемствы шмат працуюць, але прыбытак атрымлiваюць невялiкi, паколькi нас «душаць» цэны на энерганосьбiты. Толькi прыродны газ мы атрымлiваем па цэнах нiжэйшых за рыначныя, i то гэтыя цэны ў два разы вышэйшыя, чым у Расii. Таму Беларусi даводзiцца ў складанай сiтуацыi канкурыраваць з расiйскiмi таварамi. А нафту i электраэнергiю мы набываем па сусветных цэнах». «Але беларусы нiколi не плакалiся, мы прывыклi зарабляць на хлеб самi», — заявiў прэзiдэнт. Беларусь нiколi не адмовiцца ад свайго суверэнiтэту, заявiў кiраўнiк дзяржавы Аляксандр Лукашэнка. «Заўсёды трэба зыходзiць з таго, што Беларусь — гэта дзяржава», — падкрэслiў прэзiдэнт. Закранаючы пытанне больш хуткага ўвядзення адзiнай валюты, Аляксандр Лукашэнка зноў выказаў цвёрдую перакананасць у тым, што «дом неабходна пачынаць будаваць з фундамента, не вырываючы асобныя пытаннi з агульнага кантэксту». Паводле паведамленяў прэс-службы Прэзiдэнта Рэспублiкi Беларусь і БЕЛТА. Чтобы разместить новость на сайте или в блоге скопируйте код:
На вашем ресурсе это будет выглядеть так
Расiя заўсёды была i будзе самай надзейнай, брацкай дзяржавай, з якой Беларусь будзе будаваць саюзныя адносiны
|
|