У штабе толькi Юрыi

Источник материала:

Спорт-тайм

Не ўсе малодшыя здаюцца

У дзвюх сустрэчах розыгрышу 1/8 Кубка краiны па футболу была парушана субардынацыя: некаторых прадстаўнiкоў вышэйшай лiгi пакрыўдзiлi малодшыя па рангу. Так, «Мiнск» (Д2) упэўнена перамог магiлёўскi «Днепр» — 5:1, а «Полацк» (Д2) — жодзiнскае «Тарпеда» — 1:0. Вынiкi астатнiх першых гульняў: «Спартак» (Шклоў, Д3)—МТЗ-РIПА (Мiнск) — 1:3, «Дынама» (Брэст)—«Лакаматыў» (Мiнск) — 4:1, «Дарыда» (Мiнскi раён)—БАТЭ (Барысаў) — 1:0, «Ведрыч-97» (Рэчыца, Д2)—«Дынама» (Мiнск) — 0:4, «Гомель»—«Нёман» (Гродна) — 0:2, «Лакаматыў» (Вiцебск)—«Шахцёр» (Салiгорск) — 1:1. Матчы ў адказ пройдуць 4—5 кастрычнiка.

«Мiлан» змянiў мiнус на плюс

Мiнiмальнай перамогi над «Асколi» ў трэцiм туры чэмпiянату Iталii хапiла «Мiлану», каб нарэшце вырвацца з мiнусавога балансу ачкоў (-8), з якiм каманда стартавала ў новым сезоне пасля скандалу ў серыi «А». Зараз у «Мiлана» 1 ачко.

«Юнацтва» губляе пазiцыi?

Трохразовы пераможца Адкрытага першынства Беларусi па хакею з шайбай, мiнскае «Юнацтва», знаходзiцца на 9-м месцы сярод 11-i ўдзельнiкаў экстралiгi. Днямi каманда Мiхаiла Захарава прайграла на сваёй пляцоўцы «Нёману» (2:3), дзякуючы чаму гродзенцы перабралiся на другую пазiцыю турнiрнай таблiцы (12 ачкоў). Лiдзiруе ж пасля сямi тураў у чэмпiянаце магiлёўскае «Хiмвалакно» (14 ачкоў), якое на гэты раз адабрала ачкi ў «Гомеля» — 3:1. Пасля перамогi сталiчнага «Дынама» над «Брэстам» (5:1) i жлобiнскага «Металурга» над «Вiцебскам» (4:2) абедзве каманды дзеляць трэцюю прыступку (11 ачкоў). Кiеўскi «Сокал» нечакана справiўся з мiнскiм «Керамiнам» — 1:0.

Беспрацоўны зарабляе царскiя грошы

Гоншчык Мiхаэль Шумахер, якi аб’явiў аб завяршэннi кар’еры пасля гэтага сезона, будзе атрымлiваць царскую пенсiю — звыш 20 мiльёнаў еўра ў год. Вялiкiя грошы сямiразоваму чэмпiёну свету па «Формуле-1» прынясе яго асоба, як рэкламны брэнд. Цiкава, што Шумахер i яго сям’я будуць забяспечаны не толькi грашыма, але i гадзiннiкамi, бо з iм жадае супрацоўнiчаць i буйны iх вытворца Omega. Дарэчы, за час свайго выступлення пiлот зарабiў звыш 700 мiльёнаў долараў, што ў 2,5 разоў перавышае капiтал фiна Кiмi Райканена, якi заменiць нямецкага гоншчыка ў «Ферары» ў наступным годзе. Наогул Мiхаэль Шумахер — самы багаты неамерыканскi спартсмен свету, якi пры гэтым лiчыцца беспрацоўным: у Швейцарыi, дзе зараз жыве немец, аўтагонкi не лiчацца афiцыйным вiдам працоўнай дзейнасцi.

Спартыўны кiраўнiк для алiмпiйскай зборнай

На пасяджэннi выканкама Нацыянальнага алiмпiйскага камiтэта быў зацверджаны кiраўнiк беларускай нацыянальнай каманды на Алiмпiядзе-2008 у Пекiне. На гэту пасаду назначаны мiнiстр спорту i турызму Аляксандр Грыгараў. Дарэчы, калi ён знаходзiўся ў саставе афiцыйнай дэлегацыi ў Сiднеi ў 2000-м, у беларускай скарбонцы была рэкордная колькасць узнагарод —17.

Баскетбалiсткi ўступiлi

Жаночая баскетбольная зборная правяла перадапошнi матч групавога турнiру квалiфiкацыйнага раунда чэмпiянату Еўропы 2007 года. На жаль, беларускi ў гасцях уступiлi венгеркам — 47:54. У групе «А» лiдзiруе Грэцыя, у актыве якой 4 перамогi, а ў нашай зборнай i венгерак — па тры.