Камаi: сувязь часоў i для людзей!

Источник материала:

МТС — аграгарадкам

«А якiя яшчэ ёсць у вас найбольш цiкавыя месцы?» — пыталi мы мясцовых жыхароў. I часта чулi ў адказ: «Пачакайце, канешне ж Камаi! Гэта ад райцэнтра менш чым у 20 кiламетрах». Дарэчы, менавiта ў Камаях быў створаны першы ў Пастаўскiм раёне аграгарадок. Ён быў афiцыйна адкрыты летась незадоўга да Каляд. Такiм чынам сапраўдныя цуды калядныя збываюцца! А нядаўна яшчэ адзiн сюрпрыз — якасную i надзейную сувязь падарылi Камаям спецыялiсты МТС.

У аграгарадку Камаi ёсць усё дзеля зручнасцi вяскоўцаў. I раней тут было ўтульна: акуратныя сучасныя дамы недалёка ад возера Камайскае, чысценькiя вулачкi — усё радавала вока. А ўнiкальны касцёл святога Iаана Хрысцiцеля ў цэнтры мястэчка проста натхняе i вызывае гонар за талент i стараннасць нашых продкаў, якiя яго пабудавалi. Мiж iншым, касцёл, якому ўжо больш за 400 гадоў, з’яўляецца адным з нямногiх узораў абарончага дойлiдства ў Беларусi, што можна ўбачыць i сёння. Шмат разоў выратоўвалiся тут ад ворагаў. А потым аднаўлялi родныя Камаi.

На думку старшынi Пастаўскага райвыканкама Эдуарда Казуры, Камаi могуць з’яўляцца ўзорам таго, як добра развiваюцца беларускiя вёскi. Захоўваецца i карпатлiва аднаўляецца тое, што дасталася ў спадчыну, ствараецца сучасная iнфраструктура для камфортнага жыцця людзей. Прыгожа ў цэнтральным скверы, заасфальтаваны вулiцы. Працуе пасля капiтальнага рамонту камайскi сельскi Дом культуры, у якiм ёсць добрая бiблiятэка. Папрацавалi будаўнiкi i ў сярэдняй школе, дзiцячым садку. Не горш чым у буйных гарадах, крамы, памяшканнi банка i пошты, а ў вясковай кавярнi можна адпачыць душой.

У камайскай участковай бальнiцы да паслуг насельнiцтва сучаснае стаматалагiчнае i кардыялагiчнае абсталяванне. Больш таго, каб атрымаць кансультацыю лепшых медыкаў, цяпер не трэба ехаць у райцэнтр альбо ў Вiцебск. Нядаўна камайскiя ўрачы пачалi карыстацца Iнтэрнэтам, каб атрымаць дапамогу ў лячэннi хворых з боку больш вопытных калег. Такiм чынам сучасныя тэхналогii ўжо не экзотыка для звычайнай беларускай вёскi. Як i надзейная сувязь ад МТС, якая па якасцi нават наперадзе «правадной», бо тэлефонная станцыя яшчэ толькi будзе мадэрнiзавана. А МТС ужо цяпер дазваляе ўладальнiкам мабiльнiкаў атрымлiваць увесь спектр мабiльных паслуг, якiя ўжо даўно запатрабаваныя гараджанамi.

У аграгарадку больш за 700 жыхароў, i вельмi шмат моладзi. Канешне, хлопцы i дзяўчаты зробяць многае, каб родная вёска стала яшчэ больш прыгожай. СВК «Камайскi» — ужо зараз адзiн з лепшых у краiне, а ў планах — быць сярод лiдараў. I, безумоўна, для дасягнення новых поспехаў неабходна якасная мабiльная сувязь памiж людзьмi. Акрамя гэтага ў Камаях будуць актыўна развiваць турыстычную сферу. Вёска — жамчужына Паазер’я, дзе падчас падарожжа ў мiнулае заўсёды застанешся на сувязi, дзякуючы МТС.

Аўтар i вядучы рубрыкi Аляксандр ПУКШАНСКI.