Арыентавацца на лепшае

Источник материала:

Учора Прэзiдэнт Беларусi Аляксандр Лукашэнка прадоўжыў рабочую паездку па рэгiёнах, якiя пацярпелi ад аварыi на Чарнобыльскай АЭС. Чарговым раёнам Гомельшчыны, якi наведаў кiраўнiк дзяржавы, стаў Петрыкаўскi.

Праект па вытворчасцi хутказамарожаных свежаадцiснутых сокаў i пачаткаў салодкай кукурузы цяпер рэалiзуецца на прадпрыемстве «Чырвонакастрычнiцкi» ў пiлотным рэжыме. Атрыманы прадукт максiмальна наблiжаны да натуральнага дзякуючы арыгiнальнай тэхналогii без прымянення кансервантаў i тэрмаапрацоўкi, якая садзейнiчае максiмальнаму захаванню карысна актыўных рэчываў. У час наведвання Петрыкаўскага раёна Аляксандру Лукашэнку былi прадэманстраваны новыя ўзоры сельскагаспадарчай тэхнiкi вытворчасцi «Гомсельмаша», а таксама машыны для вырошчвання рэпчатай цыбулi, у якiх прыменены як беларускiя, так i iмпартныя распрацоўкi.

Паводле слоў кiраўнiка дзяржавы, беларускiя вытворцы сельгастэхнiкi павiнны арыентавацца на сусветны ўзровень, тую планку, якую ўзялi, зарыентаваўшыся на выпуск комплексных агрэгатаў, нельга апусцiць. Прэзiдэнт Беларусi даручыў пракантраляваць выкананне праграмы па iмпартазамяшчэнню зялёнага гарошку.

«Вазьмiце за ўзор Галандыю i iншыя краiны, рабiце такiм жа чынам. Неабходна замянiць iмпарт, а не трацiць на гэта валюту», — сказаў кiраўнiк дзяржавы. Ён падкрэслiў, што для рэалiзацыi гэтай праграмы былi выдзелены адпаведныя фiнансавыя сродкi i закуплена тэхналагiчнае абсталяванне. «Галоўнае, каб абсталяванне было загружана на 100 працэнтаў», — заявiў Прэзiдэнт.

Пры гэтым Аляксандр Лукашэнка падкрэслiў, што пад рэалiзацыю такiх праектаў дзяржава гатова аказваць падтрымку прадпрыемствам. Кiраўнiк дзяржавы заслухаў даклад аб выкананнi яго даручэнняў па арганiзацыi вытворчасцi цукровай кукурузы i спаржавай фасолi, па вытворчасцi рэпчатай цыбулi i кансерваванага агароднiннага гарошку ў Гомельскай вобласцi. Прэзiдэнт падкрэслiў неабходнасць удзялiць асаблiвую ўвагу вырашэнню праблемы агароднiнасховiшчаў для захоўвання рэпчатай цыбулi i iншых агароднiнных культур.

Аляксандр Лукашэнка ў час наведвання прыватнага ўнiтарнага прадпрыемства «Палессе-Аграiнвест» даручыў прадоўжыць работу па аптымiзацыi структуры земляробства ў Гомельскай вобласцi i ўкаранiць гэты вопыт у iншых рэгiёнах краiны.

Даручэнне па аптымiзацыi структуры пасяўных плошчаў у Петрыкаўскiм раёне i правядзенню экалагiчных выпрабаванняў сартоў кукурузы кiраўнiк дзяржавы даў Навукова-практычнаму цэнтру НАН Беларусi па земляробству ў вераснi 2005 года.

Як было даложана Прэзiдэнту, у Гомельскай вобласцi пераважаюць пясчаныя землi, акрамя таго, за апошнiя 80 гадоў гадавая колькасць ападкаў скарацiлася на 20 працэнтаў. З улiкам гэтага вучоныя прапанавалi вырошчваць на Гомельшчыне такiя культуры, як кукурузу на зерне i засухаўстойлiвыя травы, якiя даюць добрую ўраджайнасць.

Кiраўнiк дзяржавы падкрэслiў таксама важнасць гаспадарскага падыходу да выкарыстання зямель, у тым лiку мелiяраваных.

Прэзiдэнт даручыў навесцi парадак у гаспадарках раёна. «Трэба кожную гаспадарку прайсцi i прывесцi яе ў парадак», — сказаў ён, звяртаючыся да прадстаўнiкоў мясцовай улады.

Як было даложана Прэзiдэнту, веснавыя палявыя работы ў Гомельскай вобласцi плануецца завяршыць да 15 мая.

Беларусь не павiнна страцiць замежныя рынкi для рэалiзацыi сваёй сельгаспрадукцыi. Гэты факт асаблiва адзначыў Прэзiдэнт.

«Сёння важна не проста нарошчваць вытворчасць сельгаспрадукцыi, а яе прадаць», — падкрэслiў кiраўнiк дзяржавы.

Аляксандр Лукашэнка даў пазiтыўную ацэнку вопыту Гомельскай вобласцi па рэфармаванню сельскагаспадарчых прадпрыемстваў. «Амаль 30 працэнтаў рэнтабельнасцi за 3 гады — гэта добры паказчык», — адзначыў Прэзiдэнт.

Паводле паведамленняў прэс-службы Прэзідэнта Рэспублікі Беларусь і БЕЛТА.