Узровень колькасцi цэзiю i стронцыю ў беларускiх прадуктах не перасягае дапушчальнага
У прадуктах харчавання, што вырабляюцца беларускiмi прадпрыемствамi, узровень колькасцi радыенуклiдаў цэзiю-137 i стронцыю-90 не перавышае дапушчальнага. Аб гэтым карэспандэнту БЕЛТА паведамiлi ў Рэспублiканскiм цэнтры гiгiены, эпiдэмiялогii i грамадскага здароўя (РЦГЭiГЗ).
Паводле слоў спецыялiстаў, такiя даныя былi атрыманы ў вынiку праведзеных у першым квартале гэтага года падраздзяленнямi радыяцыйнага кантролю ўстаноў, якiя ажыццяўляюць дзяржсаннагляд, даследаванняў. На колькасць радыенуклiдаў было праверана больш як 18,8 тыс. проб прадуктаў харчавання з вытворчага сектара i асабiстых падсобных гаспадарак, з iх 617 проб — на колькасць стронцыю-90. Пробы таксама паказалi, што фактычная колькасць цэзiю-137 у асноўных прадуктах харчавання з вытворчага сектара значна нiжэйшая за нарматыўны ўзровень. Разам з тым, перавышэнне дапушчальных узроўняў па колькасцi гэтага элементу рэгiстравалася ў малацэ, што атрымлiваецца ў асабiстых падсобных гаспадарках Брэсцкай i Гомельскай абласцей, а таксама ў лясных ягадах, што растуць на Гомельшчыне, Мiншчыне i Магiлёўшчыне, грыбах у Брэсцкай, Гомельскай, Мiнскай i Магiлёўскай абласцях i ў наваколлi сталiцы. Колькасць цэзiю-137 была таксама перавышана ў лекавых травах з Гомельскай, Мiнскай i Магiлёўскай абласцей, мясе дзiкiх жывёл, якiя насяляюць Гомельшчыну, Магiлёўшчыну i мiнскiя лясы, рыбе з гомельскiх вадаёмаў. Перавышэнне дапушчальных узроўняў па колькасцi стронцыю-90 было зарэгiстравана ў пробах малака з асабiстых падсобных гаспадарак Гомельскай вобласцi. У Брэсцкай i Гомельскай абласцях зарэгiстравана 30 населеных пунктаў, у якiх малако не адпавядала патрабаванням РДУ-99 па колькасцi цэзiю-137. У 7 населеных пунктах Гомельскай вобласцi выяўлена перавышэнне па колькасцi стронцыю-90 у малацэ з асабiстых падсобных гаспадарак. У РЦГЭiГЗ адзначылi, што iнфармацыя аб населеных пунктах, дзе па вынiках радыяцыйнага кантролю выяўлены перавышэннi па колькасцi цэзiю-137 i стронцыю-90 у малацэ з асабiстых падсобных гаспадарак, накiроўваецца ў Дэпартамент па лiквiдацыi наступстваў аварыi на ЧАЭС, Мiнсельгасхарч i аблвыканкамы для правядзення ахоўных мерапрыемстваў. Гэта дасць магчымасць у будучым забяспечыць атрыманне нарматыўна чыстых прадуктаў харчавання.
Чтобы разместить новость на сайте или в блоге скопируйте код:
На вашем ресурсе это будет выглядеть так
У прадуктах харчавання, што вырабляюцца беларускiмi прадпрыемствамi, узровень колькасцi радыенуклiдаў цэзiю-137 i стронцыю-90 не перавышае дапушчальна
|
|