Ліга чэмпiёнаў: цяпер i наш фармат

Источник материала:

Першы розыгрыш самага прэстыжнага еўрапейскага трафея стартаваў праз месяц пасля першага Кангрэса УЕФА, якi адбыўся 2 сакавiка 1955 года ў Вене. Цiкава, што iдэя аб арганiзацыi "Кубка Еўропы" належала зусiм не футбольнаму саюзу.

Французская iнiцыятыва

У той час, як члены нованароджанага футбольнага саюза былi азадачаныя арганiзацыяй мiжнародных спаборнiцтаваў з удзелам зборных, рэдактар французскай спартыўнай газеты L’Equipe Габрыэль Ана выказаў iдэю аб стварэннi клубнага турнiру еўрапейскага маштабу. Матчы новага турнiру Ана разам са сваiм калегам Жакам Феранам прапанаваў праводзiць у сераду ўвечары.

Старт "Спортынга"

Паводле агавораных арганiзатарамi правiлаў, удзел у розыгрышы чэмпiёнаў асобных краiн спачатку не быў абавязковым. Каманда L’Equipe палiчыла, што да ўдзелу ў турнiры больш выгадна запрашаць найбольш папулярныя клубы. На сустрэчы прадстаўнiкоў шаснаццацi ўдзельнiкаў дэбютнага розыгрышу 2 i 3 красавiка 1955 года рэгламент L’Equipe знайшоў адзiнагалосную падтрымку. У дэбютным матчы новага турнiру "Спортынг" i "Партызан" забiлi адзiн аднаму ў Лiсабоне па тры мячы. У сустрэчы ў адказ у Белградзе перамогу з лiкам 5:2 святкавалi югаславы, якiя i прайшлi ў наступны раўнд.

Дамiнаванне "Рэала"

Першыя пяць трафеяў дасталiся мадрыдскаму "Рэалу". Іншым клубам пасля таксама ўдавалiся захапляльныя серыi — "Аякс" i "Баварыя", напрыклад, выйгравалi "кубак з вялiкiмi вушамi" па тры разы запар. Аднак казаць пра чыё-небудзь доўгатэрмiновае дамiнаванне ў самым прэстыжным Еўракубку не даводзiцца. Так, амстэрдамцы пасля ўдарнага адрэзку ў пачатку 70-х свайго чацвёртага тытула чакалi 22 гады, а перамога "Рэала" ў 1998 годзе стала першым трыумфам мадрыдцаў за папярэднiя 32 гады. Баварцы ж у 2001 годзе перарвалi 26-гадовае чаканне чацвёртага трафея, перамогшы ў Мiлане па пенальцi.

Мерсiсайдскiя вароты

Чатыры перамогi "Лiверпуля" ў перыяд з 1977 па 1984 год заслугоўваюць асобнага ўпамiнання, паколькi былi дасягнуты чатырма практычна рознымi складамi. У 2005 годзе чырвоная мерсiсайдская зорка зноў узышла на еўрапейскiм небасхiле. У неверагодным па напалу пачуццяў фiнальным паядынку супраць "Мiлана" англiчане здолелi адгуляць тры мячы i схiлiць шалi на свой бок у серыi пенальцi.

Дошка гонару

Самай тытулаванай камандай у гiсторыi Лiгi чэмпiёнаў УЕФА застаецца яе трохразовы пераможца "Рэал". Калi браць у разлiк i Кубак чэмпiёнаў, то ў скарбонцы "каралеўскага клуба" дзевяць перамог. За iм з шасцю тытуламi iдзе "Мiлан", у актыве "Лiверпуля" пяць перамог, у "Баварыi" i "Аякса" — па чатыры. "Расанеры" свой апошнi трафей выйгралi ў кампанii 2002/03, стартаваўшы з трэцяга раўнда квалiфiкацыi i завяршыўшы турнiр серыяй пенальцi ў фiнальным матчы супраць "Ювентуса".

Змена фармату

Пераломным момантам у развiццi турнiру прынята лiчыць сезон 1992/93, калi на змену Кубку чэмпiёнаў прыйшла Лiга чэмпiёнаў. Да стадыi плей-оф у розыгрыш дадаўся групавы этап, апрабаваны за год да таго. Рост папулярнасцi прывёў да таго, што лiк удзельнiкаў асноўнай сеткi турнiру з часам вырас з 8 да 32. Матчы Лiгi чэмпiёнаў право- дзяцца па аўторках i серадах.