Прыродны і звадкаваны газ узважаць па-новаму

Источник материала:

З пачатку студзеня кошт 1 куб. метра прыроднага газу ў жылых дамах i кватэрах, а таксама ў садовых домiках i дачах членаў садаводчых таварыстваў (у тым выпадку, калi ўсталяваны прыборы iндывiдуальнага ўлiку i ёсць газавыя ацяпляльныя прыборы i воданагравальнiкi) у ацяпляльны перыяд складзе 219,1 рубля, а ў летнi — 462. Пры адсутнасцi iндывiдуальных газавых ацяпляльных прыбораў адпаведныя расцэнкi будуць 462 руб. за "куб". Калi лiчыльнiкаў няма, то пры наяўнасцi газавай плiты i цэнтралiзаванага гарачага водазабеспячэння альбо iндывiдуальнага воданагравальнiка (за выключэннем газавага) штомесячныя плацяжы з аднаго жыхара складуць 3696 рублёў. Калi ёсць газавая плiта i газавы воданагравальнiк (пры адсутнасцi цэнтралiзаванай падачы "цёпленькай"), то адпаведная сума складзе 10 626 руб. з чалавека. У тым выпадку, калi ёсць газавая плiта i няма цэнтралiзаванага гарачага водазабеспячэння i газавага воданагравальнiка, то iснуе плацеж у памеры 6006 рублёў з чалавека.

Пры наяўнасцi iндывiдуальных газавых ацяпляльных прыбораў у ацяпляльны перыяд неабходна будзе штомесяц выкласцi 1403,2 рубля за 1 кв. метр агульнай плошчы жылога памяшкання, а ў летнi — 526,2 рубля. Адзiн "куб" прыроднага газу, якi выкарыстоўваецца для ацяплення нежылых памяшканняў (акрамя памяшканняў, што знаходзяцца ў жылых дамах) пры ўмове таго, што ўсталяваны прыборы iндывiдуальнага ўлiку расходу газу, каштуе 462 рублi. Без лiчыльнiкаў за "блакiтнае палiва" для абагрэву цяплiц (збудаванняў уцепленага грунту) неабходна разлiчвацца па тарыфе 13 860 рублёў за 1 кв. метр у месяц. Для гаражоў, майстэрняў i iнш. адпаведная расцэнка складае 8778 рублёў.

Павялiчаны расцэнкi i на звадкаваны газ. Цяпер у жылых дамах i кватэрах, дзе ўсталяваны спецыяльныя прыборы iндывiдуальнага ўлiку расходу i ёсць газавыя абагравальныя прыборы i газавыя воданагравальнiкi, у ацяпляльны сезон за 1 куб. метр неабходна выкласцi 4227, 9 рублёў, а ў летнi — 1233 рублi (апошнi тарыф дзейнiчае i ў тым выпадку, калi няма iндывiдуальных газавых ацяпляльных прыбораў). Для тых жыхароў, якiя не маюць iндывiдуальных лiчыльнiкаў, расцэнкi крыху iншыя. Калi ёсць газавая плiта i цэнтралiзаванае гарачае водазабеспячэнне альбо воданагравальнiк (за выключэннем газавага), то штомесячныя плацяжы за звадкаваны газ на аднаго чалавека складуць 3699 рублёў.Калi ж ёсць газавая плiта i газавы водападагравальнiк (пры адсутнасцi цэнтралiзаванага гарачага водазабеспячэння), то тарыф складае 10480,5 рубля з чалавека. Пры наяўнасцi газавай плiты i адсутнасцi цэнтралiзаванага гарачага водазабеспячэння i газавага воданагравальнiка неабходна выкласцi 4932 рублi з аднаго чалавека ў месяц.

Калi ўсталяваны iндывiдуальныя газавыя ацяпляльныя прыборы, то ў ацяпляльны перыяд за 1 кв. метр агульнай плошчы жылога памяшкання штомесяц трэба плацiць 12683,7 рубля, а ў летнi — 1233 рублi. За балон звадкаванага газу (вагой 21 кг) неабходна аддаць 33 140 рублёў.