Чацвёра вайскоўцаў загінулi ў ДТЗ
Чацвёра вайскоўцаў загінулi ў ДТЗ
Буйное дарожна-транспартнае здарэнне, у якое трапiлi вайскоўцы вайсковай часцi Дзяржаўнага памежнага камiтэта Беларусi, адбылося днём на дарозе паблiзу Давыд-Гарадка Столiнскага раёна. На пачатку першай гадзiны дня вадзiцель аўтамабiля ГАЗ, 25-гадовы радавы кантрактнай службы, пры абгоне выехаў за межы праезнай часткi, пасля чаго машына перакулiлася на абочыне. У вынiку шэсць чалавек — вадзiцель, 28-гадовы капiтан, 23-гадовы старшы лейтэнант (адпаведна намеснiк каменданта i начальнiк вузла сувязi памежнай камендатуры "Рэчыца"), а таксама 19-гадовы радавы тэрмiновай службы, 21-гадовы яфрэйтар i 22-гадовы радавы атрымалi траўмы рознай ступенi цяжкасцi i былi змешчаны ў бальнiцу. Яшчэ чацвёра — 28-гадовы прапаршчык, 27-гадовы старшы сяржант i 21-гадовы малодшы сяржант — вайскоўцы кантрактнай службы, а таксама 23-гадовы радавы тэрмiновай службы загiнулi на месцы здарэння. Ігар ГРЫШЫН. Злоўжыванне пацягнула на 3 млрд 200 млн?.. Генеральнай пракуратурай па матэрыялах Галоўнага ўпраўлення па барацьбе з арганiзаванай злачыннасцю МУС узбуджана крымiнальная справа ў дачыненнi да 33-гадовага беспрацоўнага жыхара Жодзiна. Раней падазроны працаваў на "БелАЗе" у знешнегандлёвым аддзеле. У той час, з лютага па лiпень, як мяркуецца, падазроны злоўжыўшы скарыстаўшыся службовым становiшчам, нанёс урон прадпрыемству ў памеры 3 мiльярдаў 200 мiльёнаў рублёў. Дзмiтрый СТАНКОВIЧ. Абрынулася прыбудова да школы У чацвер вечарам у Смаргонi абвалiлася прыбудова да будынка сярэдняй школы № 2, паведамiў карэспандэнту "Звязды" прэс-сакратар Мiнiстэрства па надзвычайных сiтуацыях Беларусi Вiталь Навiцкi. Здарылася гэта каля паловы дзясятай вечара, калi ў прыбудове не было людзей. Кiнолагi, якiя абследавалi завалы, пацвердзiлi, што нiхто не пацярпеў. Вiталь Навiцкi ўдакладнiў, што прыбудова была ўзведзена ў 1960 годзе, а 9 снежня з-за трэшчын у сценах мясцовае ўпраўленне адукацыi забаранiла яе эксплуатацыю. У двухпавярховай прыбудове абрынулася, дарэчы, цагляная кладка на плошчы 190 квадратных метраў i дах на плошчы 150 квадратных метраў. Як мяркуецца, прычына — стала апорнай здольнасцi фундамента сцяны прыбудовы. Iгар ГРЫШЫН. Знiклага знайшлi... ў дзiцячым садку Больш за пяць гадоў лёс 46-гадовага мiнчанiна, якога расшуквалi як знiклага без вестак, заставаўся невядомым. Толькi цяпер, у ходзе аператыўна-пошукавых мерапрыемстваў, праваахоўнiкам удалося ўстанавiць акалiчнасцi крымiнальнага здарэння, якое адбылося ўвечары 15 лiпеня 2003 года на тэрыторыi аднаго са сталiчных дзiцячых садкоў. Як высветлiлася, тады ў будынку садка з няшчасным з дапамогай сякеры расправiўся 36-гадовы сталiчны жыхар: зрабiў ён гэта з карыслiвых мэтаў. А цела схаваў... на тэрыторыi дзiцячага садка — закапаў. Iгар ГРЫШЫН.
Чтобы разместить новость на сайте или в блоге скопируйте код:
На вашем ресурсе это будет выглядеть так
Буйное дарожна-транспартнае здарэнне, у якое трапiлi вайскоўцы вайсковай часцi Дзяржаўнага памежнага камiтэта Беларусi, адбылося днём на дарозе паблiз
|
|