Ой, зiма, зiма

Источник материала:

І мароз адступае, калi гучыць-разносiцца песня. I людзi прасвятляюцца, духоўна ўзносяцца, калi спяваюць. I звычайная бяседа становiцца прамянiстым святам, калi абрамляецца песенным вянком. Трэба спяваць! Асаблiва на навагодняй бяседзе. Думкамi, усiм пачуццёвым станам у навагоднюю ноч мы праграмуем сваю перспектыву. I наша сумесная песня адгукнецца ў наступным годзе радаснымi дзеямi, шчаслiвымi iмгненнямi...

Да свята заўсёды рыхтуюцца. Дбаем пра пачастункi, напоi. А духоўна-iнтэлектуальная аснова навагодняй сустрэчы? Яна ж не абмяжоўваецца толькi падарункамi ды тостамi. I нiколi не трэба забываць пра эмацыянальны характар бяседы.

Аднак у апошнiя дзесяцiгоддзi клопат пра навагоднюю весялосць, песнi амаль усе бяседнiкi перакiнулi на тэлебачанне. I яно забаўляе нас. То на адной праграме, то на другой, трэцяй... шукаем духоўнага паратунку. Гэтак спадзяёмся паяднаць застольнiкаў... А потым цэлы год не можам выправiць духоўную ўраўнаважанасць. Асабiстую. I агульную. Бо не нашымi душамi яднаўся навагоднi рэй...

I заўсёды на дапамогу прыходзiць песня. I не адна. Свая, родная. I сяброў, суседнiх народаў. Няхай навагодняя ноч рознакалярова асветлiцца ад сумеснага спеву, ад шчырасцi нашых духоўных памкненняў.

Другi радок кожнай страфы паўтараецца. Звычайна назва народнай песнi падаецца па першым радку, але называюць i скарочана. Як i ўсе фальклорныя творы, так i песня "Ой, зiма, зiма" бытуе ў варыянтах. Змяшчаецца тэкст, якi запiсаў Уладзiмiр Раговiч на Столiншчыне. Некаторыя эстрадныя гурты першую страфу песнi робяць прыпевам.