Аматараў небяспечных феерверкаў чакаюць штрафы...

Источник материала:

Як адзначаюць у аддзяленнi iнфармацыi i грамадскiх сувязяў ГУУС Мiнгарвыканкама, за апошнiя днi да адмiнiстрацыйнай адказнасцi прыцягнута больш за дваццаць незаконных гандляроў пiратэхнiчнай прадукцыяй, канфiскавана больш за 11 тысяч адзiнак пiратэхнiкi. Паводле слоў намеснiка мiлiцыi грамадскай бяспекi ГУУС палкоўнiка мiлiцыi Рамана Мельнiка, супрацоўнiкi праваахоўных органаў могуць прыцягнуць да адмiнiстрацыйнай адказнасцi за незаконную прадпрымальнiцкую дзейнасць "шэрых" гандляроў. Для гэтага мiлiцыя працуе сумесна з супрацоўнiкамi падатковай мiлiцыi, i, як вынiк, парушальнiкi выплачваюць буйны штраф з канфiскацыяй прыбытку. У ГУУС таксама нагадваюць, што аматары выкарыстання пiратэхнiкi, асаблiва ў грамадскiх месцах, могуць таксама быць прыцягнуты да адмiнiстрацыйнай адказнасцi. Несанкцыянаванае выкарыстанне пiратэхнiкi прыраўноўваецца да дробнага хулiганства, i Адмiнiстрацыйны кодэкс прадугледжвае адказнасць за такiя правапарушэннi ад штрафу — 2—30 базавых велiчынь — да адмiнiстрацыйнага арышту тэрмiнам да 15 сутак.