...А ПРАДПРЫМАЛЬНІКI НА ЛОЕЎШЧЫНЕ АКТЫВIЗАВАЛIСЯ

Источник материала:

Лоеўшчына — раён сельскагаспадарчы. Мясцовыя гаспадаркi тут спецыялiзуюцца на мяса-малочнай жывёлагадоўлi. I толькi напярэдаднi 2009 года тут адчынiлася прадпрыемства, якое адразу ж атрымала статус горадаўтваральнага — Лоеўскi камбiнат будаўнiчых матэрыялаў. Менавiта таму для мясцовых жыхароў, а iх у раёне жыве больш за 17 тысяч, галоўнае — каб гэтыя дзве галiны: малакаперапрацоўчая i будаўнiчая — як мага менш адчувалi наступствы эканамiчнага крызiсу. Першы намеснiк старшынi Лоеўскага райвыканкама Лiдзiя Долбiкава лiчыць, што сiтуацыя ў iх рэгiёне прынцыпова адрознiваецца ад становiшча ў буйных прамысловых цэнтрах.

— Мы б сёння не адчувалi ўвогуле нiякiх зменаў, калi б не ўзнiклi складанасцi ў перапрацоўчай прамысловасцi. У нас зараз вялiкая запазычанасць. Размова iдзе аб той прадукцыi, якую нашы сельгаспрадпрыемствы прадалi, але на працягу доўгага часу не атрымлiваюць за яе грошы. Зараз шмат прадукцыi ляжыць на складах прадпрыемства "Малочныя прадукты" ў Гомелi: масла сметанковага, сухога малака... Яны нам завiнавацiлiся каля 2 мiльярдаў рублёў. Уявiце — гэта трохмесячная заработная плата ўсёй сельскай гаспадаркi Лоеўскага раёна. Зразумела, гэта ўскладняе сiтуацыю перад пасяўной кампанiяй i нам даводзiцца выкарыстоўваць прыцягнутыя сродкi — тыя ж крэдыты. Але ж сiтуацыя ў перапрацоўчай галiне — гэта пытанне дзяржаўнае, не толькi наша. Мы яго не вырашым на ўзроўнi раёна. Займаецца гэтым Савет Мiнiстраў, знiжаюць цэны на прадукцыю, продаж гэтай прадукцыi iдзе зараз па цэнах, нiжэйшых за сабекошт — гэта вельмi складаныя пытаннi. Што датычыцца антыкрызiсных мерапрыемстваў, мы ўсе меры, зразумела, прымаем, iдзе працэс самай жорсткай эканомii рэсурсаў — у рэжым эканомii ўключана ўсе.

— Па праграме развiцця рэгiёнаў, малых i сярэднiх гарадскiх пасяленняў у нас уведзены ў дзеянне Лоеўскi камбiнат будаўнiчых матэрыялаў. На сёння мы маем прадукцыю, якая карыстаецца дастатковым попытам. Але ж пакуль наша валаўтваральнае прадпрыемства працуе не на поўную магутнасць i прадукцыя добра не прарэкламаваная. Па праекце камбiнат павiнен выйсцi на поўную магутнасць да канца 2010 года. Аднак мы плануем, што ўжо сёлета ў канцы года ён будзе працаваць на поўную магутнасць. Усе астатнiя прадпрыемствы ў раёне дробныя, калi яны будуць працаваць стабiльна, мы будзем мець напаўненне бюджэту. Пакуль мы сур’ёзнага стрэсу не адчулi. I дай Бог, каб яго не было.

— Так, практычна няма. Але ж мы будзем спрабаваць за межу прадаваць цэглу з Лоеўскага камбiната будаўнiчых матэрыялаў. Таксама мы хочам прыцягнуць iнвестара на будаўнiцтва другой чаргi гэтага прадпрыемства, але пакуль гэта толькi жаданне. Маем намеры прыцягнуць iнвестараў з Паўночнага Бутава — адмiнiстратыўнага раёна Масквы. Iх прадстаўнiкi да нас прыязджалi i зацiкавiлiся нашай прадукцыяй — яна ў нас атрымалася якаснай. Масквiчы таксама зацiкавiлiся магчымасцю будаўнiцтва другой чаргi камбiната. Тым больш што запасы глiны дазваляюць павялiчыць вытворчасць у два з паловай раза. Але пакуль эканамiчная сiтуацыя нашы жаданнi стрымлiвае. Мы ў любым выпадку абавязкова будзем працягваць гэтыя стасункi i выходзiць з прапановамi аб будаўнiцтве другой чаргi камбiната будаўнiчых матэрыялаў.

— Знiзiлiся. Але ж мы спадзяёмся зноў жа на наш камбiнат будаўнiчых матэрыялаў. Мы ўжо сёння выпусцiлi першы мiльён цаглiн, ён пакуль на пляцоўцы, а да серады наступнага тыдня будзе ў гатовай прадукцыi. Калi мы рэалiзуем гэтую цэглу, атрымаем i ўсе падаткi. За кошт рэалiзацыi гэтай прадукцыi i будзем мець напаўненне бюджэту.

— Ёсць пэўнае знiжэнне па раённым спажывецкiм таварыстве. А прыватныя i малыя прадпрыемствы нам сёння даюць паляпшэнне паказчыкаў. Калi райпо за два месяцы мела 96,4 % да ўзроўню мiнулага года, то малы бiзнэс дае 172 % плюс, а ў студзенi было ўвогуле 190 %. Таму мы думаем, што даведзены паказчык 108-109 % мець будзем.

— Прыватны бiзнэс на Лоеўшчыне не атрымаў стрэсу. Прадпрымальнiкi i малыя прадпрыемствы стабiльна працуюць, як i раней. I яны хутчэй рэагуюць на пакупнiцкi попыт i лепш рэгулююць напаўненне прылаўкаў тым таварам, якi менавiта сёння запатрабаваны.

— Сёння ў Лоеўскiм раёне мы маем паляпшэнне сiтуацыi па беспрацоў’i, увод камбiната будаўнiчых матэрыялаў даў магчымасць арганiзаваць каля 140 рабочых месцаў — большасць з лiку лоеўцаў. Таму ўзровень беспрацоў’я ў нас не стаў вышэйшым. Рэгiён невялiкi, аператыўна можна ўплываць на ўсе працэсы. А вось неразлiкi перапрацоўчых прадпрыемстваў нас сёння значна прызямляюць. Мы не маем запазычанасцi па заработнай плаце, усе яе своечасова i стабiльна атрымлiваюць, разлiчваемся за энерганосьбiты — пакуль да нас пытанняў няма. Безумоўна, i далей будзем iмкнуцца працаваць так, каб добра завяршыць квартал. Сёння ёсць падставы меркаваць, што ў нас гэта атрымаецца.