АДКАЗВАЮЧЫ НА ВЫКЛІКI ЧАСУ

Источник материала:

У мiжсесiйны перыяд дэпутацкi корпус ажыццяўляў планамерную дзейнасць, накiраваную на ўдасканаленне нацыянальнага заканадаўства. Праводзiлася падрыхтоўка законапраектаў, вывучалася правапрымяняльная практыка, выяўлялiся праблемныя пытаннi, вызначалiся шляхi iх вырашэння. Гэтаму садзейнiчала канструктыўнае ўзаемадзеянне з суб’ектамi права заканадаўчай iнiцыятывы, экспертамi, вучонымi i грамадскасцю. Найбольш актуальныя тэмы абмяркоўвалiся на выязных семiнарах Палаты прадстаўнiкоў, выязных пасяджэннях пастаянных камiсiй, у ходзе сустрэч дэпутатаў з працоўнымi калектывамi i выбаршчыкамi.

Па вынiках праведзенай работы ў праект парадку дня сесii, якi будзе прапанаваны вам для зацвярджэння, уключаны 34 пытаннi, сярод якiх 16 законапраектаў у першым чытаннi, 11 — у другiм, 3 — аб ратыфiкацыi мiжнародных дагавораў Рэспублiкi Беларусь. Нам трэба будзе таксама разгледзець 4 дэкрэты Кiраўнiка дзяржавы.

Укладам парламентарыяў у вырашэнне задачы па мiнiмiзацыi ўплыву сусветнага крызiсу на нацыянальную эканомiку павiнен стаць пакет прававых дакументаў, накiраваных на павышэнне ўстойлiвасцi фiнансавай сiстэмы, далейшую лiбералiзацыю эканомiкi, развiццё дзелавой актыўнасцi суб’ектаў гаспадарання i грамадзян.

Важную ролю ў стабiлiзацыi ўнутранага валютнага рынку, прыцягненнi знешнiх i ўнутраных iнвестыцый, недапушчэннi адтоку капiталу з краiны павiнны адыграць праекты законаў аб унясеннi змяненняў i дапаўненняў у Банкаўскi кодэкс Рэспублiкi Беларусь i ў Закон "Аб валютным рэгуляваннi i валютным кантролi", якiя будуць разгледжаны ў другiм чытаннi.

У бюджэтнае заканадаўства прапануецца ўнясенне карэктыў, якiя павiнны забяспечыць упарадкаванне фiнансавання бюджэтных арганiзацый, а таксама рацыянальнае выкарыстанне бюджэтных сродкаў. Стадыю першага чытання пройдзе законапраект, накiраваны на павышэнне эфектыўнасцi выкарыстання Дзяржаўнага фонду каштоўных металаў i каштоўных камянёў, удасканаленне iх улiку i захоўвання.

Прадоўжыцца сiстэмная работа па абнаўленнi прававых асноў дзейнасцi ўнiтарных прадпрыемстваў, гаспадарчых аб’ектаў, садоўнiцкiх таварыстваў, ажыццяўленнi долевага будаўнiцтва.

На ўдасканаленне нормаў, што рэгулююць пытаннi рэгiстрацыi, прававой аховы i выкарыстання таварных знакаў i знакаў абслугоўвання, абароны правоў iх уладальнiкаў, накiраваны праект Закона "Аб унясеннi дапаўненняў i змяненняў у некаторыя законы Рэспублiкi Беларусь па пытаннях iнтэлектуальнай уласнасцi". Праект будзе разгледжаны ў другiм чытаннi.

З улiкам новых заканадаўчых актаў i правапрымяняльнай практыкi будуць скарэктаваны нормы законаў "Аб асновах транспартнай дзейнасцi" i "Аб дарожным руху". Да разгляду ў першым чытаннi рыхтуецца праект Закона "Аб унясеннi змяненняў i дапаўненняў у некаторыя законы Рэспублiкi Беларусь па пытаннях рэгулявання зямельных адносiнаў".

Не застануцца без увагi заканадаўцаў i пытаннi спрашчэння адмiнiстрацыйных працэдур. Так, у законапраекце "Аб унясеннi змяненняў i дапаўненняў у Закон Рэспублiкi Беларусь "Аб дзяржаўнай экалагiчнай экспертызе", якi пройдзе першы этап разгляду, прадугледжваецца змяненне парадку правядзення дзяржаўнай экалагiчнай экспертызы, што дасць магчымасць значна скарацiць час пры атрыманнi дазволу на будаўнiцтва.

У сацыяльным блоку парадку дня ключавым з’яўляецца праект Закона "Аб асновах дзяржаўнай маладзёжнай палiтыкi". Упершыню на ўзроўнi закона будуць вызначаны асноўныя напрамкi палiтыкi дзяржавы ў гэтай галiне, у тым лiку падтрымка моладзi ў атрыманнi адукацыi, садзейнiчанне ў рэалiзацыi яе права на працу, падтрымка маладых сем’яў. Значнасць законапраекта абумовiла неабходнасць яго ўсебаковага абмеркавання, у якiм прынялi ўдзел прадстаўнiкi рабочай i навучэнскай моладзi, маладзёжных грамадскiх аб’яднанняў.

У ходзе сесii парламентарыi таксама разгледзяць законапраекты ў сферы адукацыi i культуры.

Асаблiвую актуальнасць набывае сёння прававое вырашэнне праблем сацыяльна неабароненых груп насельнiцтва. Стадыю другога чытання павiнен прайсцi законапраект "Аб унясеннi змяненняў i дапаўненняў у некаторыя законы Рэспублiкi Беларусь па пытаннях сацыяльнай абароны грамадзян, якiя пацярпелi ад катастрофы на Чарнобыльскай АЭС, iншых радыяцыйных аварый".

Вялiкае сацыяльнае гучанне мае падрыхтаваны да разгляду ў першым чытаннi праект Закона "Аб унясеннi змяненняў i дапаўненняў у некаторыя законы Рэспублiкi Беларусь па пытаннях сацыяльнай абароны iнвалiдаў". Законапраект замацоўвае сiстэму мераў, накiраваных на забеспячэнне паўнацэннага ўдзелу iнвалiдаў у жыццi грамадства i прывядзенне заканадаўства ў гэтай сферы ў адпаведнасць з нормамi мiжнароднага права.

Да заключнай стадыi разгляду рыхтуецца праект Закона "Аб унясеннi змяненняў i дапаўненняў у некаторыя законы Рэспублiкi Беларусь па пытаннях абарачэння лекавых сродкаў". Рэалiзацыя яго нормаў будзе садзейнiчаць стварэнню ўмоў для забеспячэння насельнiцтва якаснымi лекавымi сродкамi i iх даступнасцi, асаблiва для жыхароў вёскi.

Прадоўжыцца работа па ўдасканаленнi заканадаўчага забеспячэння канстытуцыйных правоў грамадзян, у тым лiку права на здаровыя i бяспечныя ўмовы працы, спрыяльнае навакольнае асяроддзе.

У ходзе вясновай сесii нам трэба будзе завяршыць работу над важкiм пакетам дакументаў, накiраваных на ўмацаванне сiстэмы нацыянальнай бяспекi. Гэта ў першую чаргу праекты законаў аб органах i падраздзяленнях па надзвычайных сiтуацыях Рэспублiкi Беларусь, аб дзяржаўнай ахове, законапраекты аб унясеннi змяненняў i дапаўненняў у Закон "Аб Узброеных Сiлах Рэспублiкi Беларусь", а таксама ў некаторыя кодэксы Рэспублiкi Беларусь па пытаннях абароны дзяржаўных сакрэтаў.

На ўмацаванне правапарадку, узмацненне барацьбы з такiмi антыграмадскiмi з’явамi, як п’янства i наркаманiя, накiраваны падрыхтаваны да першага чытання законапраект, якiм прапануецца выкласцi ў новай рэдакцыi Закон "Аб мерах прымусовага ўздзеяння ў адносiнах да хранiчных алкаголiкаў i наркаманаў, якiя сiстэматычна парушаюць грамадскi парадак або правы iншых асобаў" i ўнесцi карэктывы ў шэраг iншых нарматыўных прававых актаў.

Нам таксама трэба будзе разгледзець праект Закона "Аб амнiстыi ў сувязi з 65-годдзем вызвалення Беларусi ад нямецка-фашысцкiх захопнiкаў". Нормы законапраекта ўсебакова абмеркаваны з зацiкаўленымi дзяржаўнымi органамi, што дасць магчымасць пры прыняццi рашэння забяспечыць баланс iнтарэсаў асобы, грамадства i дзяржавы.

Значная работа праводзiцца па ўдасканаленнi заканадаўства, што рэгулюе судова-прававыя адносiны, устанаўлiвае статус дэпутата мясцовага Савета дэпутатаў, дэпутата Палаты прадстаўнiкоў, члена Савета Рэспублiкi Нацыянальнага сходу Рэспублiкi Беларусь, а таксама заканадаўства па пытаннях дзяржаўнай статыстыкi, дакументавання насельнiцтва.

Актыўны ўдзел Рэспублiкi Беларусь у сiстэме мiжнародных эканамiчных, палiтычных i культурных сувязяў патрабуе пастаяннай работы па прывядзеннi нацыянальнага заканадаўства ў адпаведнасць з прынцыпамi i нормамi мiжнароднага права. У гэтым кантэксце трэба адзначыць праекты законаў па пытаннях знаходжання ў нашай краiне замежных грамадзян i асобаў без грамадзянства, а таксама выезду з Рэспублiкi Беларусь i ўезду ў яе нашых грамадзян.

У ходзе сесii ў парадак дня будуць уключацца i iншыя пытаннi. У першую чаргу тыя, над якiмi ўжо працуюць пастаянныя камiсii. Акрамя таго, мы чакаем унясення ў Палату прадстаўнiкоў новых законапраектаў. Сярод iх праекты законаў "Аб зацвярджэннi справаздачы аб выкананнi рэспублiканскага бюджэту за 2008 год", "Аб унясеннi змяненняў i дапаўненняў у некаторыя законы Рэспублiкi Беларусь па пытаннях перамяшчэння асобных вiдаў тавараў праз мытную гранiцу Рэспублiкi Беларусь" i iншыя. Плануецца ўнясенне больш як 25 законапраектаў аб ратыфiкацыi мiжнародных дагавораў. Найбольш важнымi з iх з’яўляюцца 14 праектаў законаў аб ратыфiкацыi дагавораў, заключаных у рамках Еўразiйскага эканамiчнага супольнiцтва.

Трэба зрабiць усё неабходнае, каб гэтыя дакументы таксама былi разгледжаны. Пры гэтым трэба пастаянна трымаць у полi зроку пытаннi якасцi падрыхтоўкi законапраектаў. Асаблiва хачу падкрэслiць важнасць сiстэмнай работы з суб’ектамi права заканадаўчай iнiцыятывы. Як паказвае практыка, удзел парламентарыяў у рабоце над законапраектамi да iх унясення ў Палату прадстаўнiкоў дае станоўчыя вынiкi. Гэта пацвярджае вопыт работы над праектамi законаў аб рэспублiканскiм бюджэце на чарговы фiнансавы год.

Актывiзацыя знешнепалiтычнай дзейнасцi Рэспублiкi Беларусь абумовiла iнтэнсiўнасць i шырыню геаграфii мiжнародных парламенцкiх кантактаў. Дэпутаты Палаты прадстаўнiкоў прынялi ўдзел у 50 мерапрыемствах мiжнароднага характару.

Па лiнii Парламенцкага Сходу Саюза Беларусi i Расii найбольш важнымi падзеямi сталi пасяджэннi яго камiсiй, што прайшлi ў гарадах Мiнску, Маскве i Смаленску. Адбылася рабочая сустрэча кiраўнiкоў парламенцкiх дэлегацый дзяржаў — членаў Парламенцкай Асамблеi Арганiзацыi Дагавора аб калектыўнай бяспецы ў Парламенцкай Асамблеi АБСЕ.

У рамках развiцця двухбаковага дыялога з краiнамi Садружнасцi Незалежных Дзяржаў адбыўся вiзiт у нашу краiну парламенцкай дэлегацыi Рэспублiкi Арменiя. У ходзе вiзiту праведзена трэцяе пасяджэнне Мiжпарламенцкай камiсii па супрацоўнiцтве Нацыянальнага сходу Рэспублiкi Беларусь i Нацыянальнага сходу Рэспублiкi Арменiя, прысвечанае пытанням удзелу парламентаў дзвюх краiн у забеспячэннi энергетычнай бяспекi.

Актуальныя тэмы беларуска-ўкраiнскiх адносiнаў былi разгледжаны ў г. Кiеве на другiм пасяджэннi Мiжпарламенцкай камiсii па супрацоўнiцтве Нацыянальнага сходу Рэспублiкi Беларусь i Вярхоўнай Рады Украiны.

Адметнай рысай мiжсесiйнага перыяду стала актывiзацыя адносiнаў з еўрапейскiмi парламенцкiмi структурамi. У прыватнасцi, у ходзе вiзiту ў г. Мiнск дэлегацыi Паўночнага Савета i праведзенага ў г. Вiльнюсе пад эгiдай гэтай арганiзацыi мiжнароднага семiнара на тэму "Роля палiтыкаў у зменлiвым грамадстве" дасягнуты дамоўленасцi аб далейшым развiццi супрацоўнiцтва.

У лютым гэтага года г. Мiнск наведала дэлегацыя Камiсii па палiтычных пытаннях Парламенцкай Асамблеi Савета Еўропы. На перагаворах былi абмеркаваны захады па больш хуткай нармалiзацыi адносiнаў памiж Беларуссю i Саветам Еўропы, а таксама развiццi канструктыўнага дыялога беларускага Парламента з ПАСЕ. Нашы прадстаўнiкi ўзялі ўдзел у дэбатах па праекце даклада аб сiтуацыi ў Беларусi, што прайшлi на пасяджэннi гэтай камiсii ў г. Парыжы.

Дэлегацыя Нацыянальнага сходу Рэспублiкi Беларусь удзельнiчала ў восьмым зiмовым пасяджэннi Парламенцкай Асамблеi АБСЕ, што праходзiла ў г. Вене. Асноўнай тэмай пасяджэння было абмеркаванне праблемы абнаўлення архiтэктуры еўрапейскай бяспекi. У ходзе дэбатаў наша дэлегацыя падтрымала расiйскую пазiцыю i выклала сваё бачанне працэсу падрыхтоўкi новага дагавора.

Важнай вяхой у развiццi канструктыўнага дыялога памiж Рэспублiкай Беларусь i еўрапейскiмi мiжпарламенцкiмi структурамi стаў другi сумесны семiнар на тэму "Паляпшэнне клiмату для прыцягнення замежных iнвестыцый", арганiзатарамi якога выступiлi дэлегацыя Парламента Рэспублiкi Беларусь у Парламенцкай Асамблеi АБСЕ i Рабочая група Парламенцкай Асамблеi АБСЕ па Беларусi. Да гэтага мерапрыемства быў прымеркаваны вiзiт у нашу краiну Старшынi Парламенцкай Асамблеi АБСЕ Жаау Саарэша. Выступленнi прадстаўнiкоў дзяржаўных органаў i прадпрымальнiцкiх структур Беларусi далi магчымасць давесцi да замежных удзельнiкаў семiнара аб’ектыўную iнфармацыю аб мерах, што прымаюцца ў краiне па паляпшэннi iнвестыцыйнага клiмату.

У першым квартале гэтага года адбылiся вiзiты ў Рэспублiку Беларусь парламенцкiх дэлегацый В’етнама, Фiнляндыi i Чэхii. У сваю чаргу дэлегацыi Парламента Беларусi ажыццявiлi вiзiты ў Венгрыю i В’етнам.

Прадстаўнiкi Нацыянальнага сходу Рэспублiкi Беларусь прымалi ўдзел у мерапрыемствах па лiнii Мiжпарламенцкай Асамблеi праваслаўя i ў мiжнародным назiраннi за правядзеннем агульнанацыянальнага рэферэндуму ў Азербайджанскай Рэспублiцы.

Не менш насычанай будзе праграма мiжнароднага супрацоўнiцтва Палаты прадстаўнiкоў i ў перыяд другой сесii.

Парламенцкая дэлегацыя Рэспублiкi Беларусь возьме ўдзел у 120-й сесii Мiжпарламенцкага Саюза, якая пройдзе ў г. Адыс-Абебе. У ходзе сесii адбудуцца агульная дыскусiя на тэму "Парламенты: будова свету, дэмакратыi i развiццё ў час крызiсу", а таксама абмеркаванне iншых пытанняў. У сувязi з разглядам праблемы змянення клiмату Нацыянальным сходам Рэспублiкi Беларусь падрыхтаваны зварот да парламентаў дзяржаў — бакоў Кiёцкага пратакола аб паскарэннi ратыфiкацыi беларускай папраўкi да гэтага мiжнароднага дагавора, якая ўстанаўлiвае для нашай краiны колькасныя абавязацельствы па абмежаваннi выкiдаў парнiковых газаў у атмасферу.

Сярод найбольш важных мерапрыемстваў трэба адзначыць правядзенне 36-й сесii Парламенцкага Сходу Саюза Беларусi i Расii. У маi 2009 года ў г. Санкт-Пецярбургу пройдуць чарговыя мерапрыемствы ў рамках мiжпарламенцкiх асамблей ЕўрАзЭС i СНД, а таксама Парламенцкай Асамблеi АДКБ.

Дэпутатам Палаты прадстаўнiкоў трэба будзе ўдзельнiчаць у пасяджэннi парламенцкага камiтэта парламенцкай структуры Цэнтральнаеўрапейскай iнiцыятывы, 18-й штогадовай сесii Парламенцкай Асамблеi АБСЕ, 16-м пасяджэннi Генеральнай асамблеi Мiжпарламенцкай Асамблеi праваслаўя, а таксама ў 33-й сесii Генеральнай асамблеi Парламенцкай Асамблеi Чарнаморскага эканамiчнага супрацоўнiцтва.

Актыўным будзе i двухбаковы мiжпарламенцкi дыялог. Плануецца таксама ўдзел беларускiх парламентарыяў у мiжнародным назiраннi за парламенцкiмi выбарамi ў Рэспублiцы Малдова.

Паважаныя калегi! Найважнейшым напрамкам нашай дзейнасцi з’яўляецца пастаянная работа з людзьмi, iнтарэсы якiх мы прадстаўляем у Парламенце. Улiк меркаванняў грамадзян аб надзённых праблемах жыцця краiны i шляхах iх пераадолення — неабходная ўмова прыняцця вывераных заканадаўчых рашэнняў. У сувязi з гэтым хацелася б адзначыць прадукцыйнасць работы, праведзенай у выбарчых акругах у мiжсесiйны перыяд. Дэпутаты правялi 781 сустрэчу ў працоўных калектывах. Прыняты 5333 выбаршчыкi. Разгледжаны 4621 зварот грамадзян. Акрамя таго, дэпутаты бралі ўдзел ў 382 пасяджэннях мясцовых органаў улады. Упэўнены, што iнтэнсiўнасць гэтай дзейнасцi не знiзiцца i ў ходзе сесii.

Як бачым, нас чакае сур’ёзная работа. У многiм яе маштабы будуць вызначаны задачамi, якiя паставiць Кiраўнiк дзяржавы перад Парламентам у сваiм звароце з Пасланнем да беларускага народа i Нацыянальнага сходу Рэспублiкi Беларусь. Іх выкананне запатрабуе ад нас максiмальнай сабранасцi, адказнасцi i прафесiяналiзму.

На заканчэнне хачу падзякаваць вам за добрую падрыхтоўку да сесii, пажадаць плённай працы i павiншаваць усiх прысутных з Днём яднання народаў Беларусi i Расii.

Дзякуй за ўвагу.